વિરોધ / ભાજપ-AAPની ચેલેન્જ વચ્ચે હવે કોંગ્રેસે ઝંપલાવ્યું, પરંતુ ઋષિકેશ પટેલ મૌન

મોરબીના ધારાસભ્ય કાંતિ અમૃતિયા ગાંધીનગર પહોંચ્યા છે. તો બીજી તરફ મોરબીમા કોંગ્રેસ દ્વારા આક્રમક વિરોધ નોંધાવ્યો છે. કોંગ્રેસના નેતાઓને વારંવાર અધિકારીઓએ સમજાવવાના પ્રયાસો ચાલુ કર્યા છે. તમામ 25 લોકોને લઈને અંદર આવો અમે તમારી રજૂઆત સાંભળશું. કોગ્રેસના કાર્યકર્તા અને નેતાઓને એક જ માંગ છે. મોરબી મહાનગર પાલિકા કમિશ્નર અમારી સામે આવે અમે કમિશ્નર સાથે જ વાત કરીશું. મોરબી કમિશ્નર હાઈ હાઈના નારા લાગ્યા હતા. પોલીસ અને મોરબી કોંગ્રેસ વચ્ચે સતત ઘર્ષણ ચાલુ છે.

મનપામાં કોંગ્રેસ કાર્યકર્તાઓને પ્રવેશ આપ્યો

મોરબીમાં વિકાસને લઈ કોંગ્રેસ દ્વારા વિરોધ નોંધાવ્યો છે. મનપામાં કોંગ્રેસ કાર્યકર્તાઓને પ્રવેશ આપ્યો હતો. પોલીસની સમજાવટ બાદ 40 થી વધુ લોકોને પ્રવેશ આપવામાં આવ્યો હતો. લલિત કગથરા, કિશોર ચિખલીયા સહિતના નેતાઓએ મહાનગર પાલિકા કમિશ્નરને રજૂઆત કરી હતી.

આ પણ વાંચોઃ રાજીનામાની ચેલેન્જ વચ્ચે AAPના પ્રવિણ રામનો દાવો, 'ગોપાલ ઇટાલિયાએ ક્યાંય પણ રાજીનામાની વાત...'

ગુજરાતમાં ફક્ત વિકાસની રાજનીતિ ચાલી રહી છેઃઋષિકેશ પટેલ

ચેલેન્જ પોલિટિક્સ પર પ્રવક્તા મંત્રી ઋષિકેશ પટેલે નિવેદન આપ્યું હતું કે, ચેલેન્જની રાજનીતિ નથી, વિકાસની રાજનીતિ છે. ગુજરાતમાં ફક્ત વિકાસની રાજનીતિ ચાલી રહી છે. કાંતિ અમૃતિયા સાથે આ મુદ્દે વાત કરશે કે નહી તે મુદ્દે મૌન છે.

આ પણ વાંચોઃ કાંતિ અમૃતિયા તો સચિવાલય પહોંચી ગયા, તો ગોપાલ ઇટાલિયાનું સ્ટેટસ શું છે?

બંને ધારાસભ્યોએ લોકોના કામ કરવા જોઈએઃ શંકર ચૌધરી

તેમજ વિધાનસભા અધ્યક્ષે પણ આ મુદ્દે નિવેદન આપતા જણાવ્યું હતુ કે, કાંતિ અમૃતિયા કે ગોપાલ ઈટાલિયાએ સંપર્ક કર્યો નથી. તેમજ મારી પાસે આવો કોઈ વિષય આવ્યો નથી. બંને ધારાસભ્યોએ લોકોના કામ કરવા જોઈએ. રાજીનામા અંગે બંનેમાંથી કોઈએ અધ્યક્ષનો સંપર્ક કર્યો ન હતો.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ