ક્રાઈમ / મા,બહેન,ભત્રીજાનું કાપ્યું ગળું- પોતે પણ મરવાનો કર્યો પ્રયાસ, કારણ જાણી થઇ જશો હેરાન

બેંગલુરુથી એક ચોંકાવનારો કિસ્સો સામે આવ્યો છે. જેમાં એક વ્યક્તિએ તેની માતા, બહેન અને ભત્રીજાનું ગળું કાપી નાખ્યું હતું અને પછી આત્મહત્યાનો પ્રયાસ કર્યો હતો. જેમાં દેવાથી પરેશાન થયેલા આ પરિવારે આત્મહત્યાનો પ્રયાસ કર્યો હતો. જેમાં બેના મોત થયા હતા તો  બે હોસ્પિટલમાં જીવન અને મરણ વચ્ચે જોલા ખાઈ રહ્યા છે. આ ઘટના પહેલા પરિવારે એક વીડિયો પણ રેકોર્ડ કર્યો હતો. જેમાં કહ્યું હતું કે, તેઓ લેણદારોના દબાણને સહન કરી શકતા નથી જેથી તેઓ આ એક્સ્ટ્રીમ પગલું ઉઠાવી રહ્યા છે.

રિપોર્ટ અનુસાર, આ ઘટના અનેકલ તાલુકાના અટ્ટીબેલે નજીક મલ્લેનહલ્લીમાં બની હતી. જેમાં મૃતકની ઓળખ આશા (55) અને તેની પુત્રી વર્ષિતા (32) તરીકે થઈ છે. આ બંનેનું ઘટનાસ્થળે જ મૃત્યુ થયું હતું. તો મોહન એમઆર (26) અને તેનો 11 વર્ષનો ભત્રીજો મયંક ગંભીર રીતે ઘાયલ હાલતમાં મળી આવ્યા હતા.

જેથી તેમને અટ્ટીબેલેની એક પ્રાઇવેટ હોસ્પિટલમાં લઈ જવામાં આવ્યા હત., જ્યાં તેમની સારવાર ચાલી રહી છે. આ બંને જીવન અને મરણ વચ્ચે જોલા ખાઈ રહ્યા છે. જેને પણ આ ઘટના વિશે સાંભળ્યું છે તેઓ આશ્ચર્યમાં પડી ગયા છે.

વધુ વાંચો : રોહિત ગોદારા-ગોલ્ડી બરાડ ગેંગના શૂટરની ધરપકડ, પિસ્તોલ અને કારતૂસ જપ્ત

• પોલીસે શું કહ્યું?
  આ અંગે પોલીસે જણાવ્યું કે, ઘટના પહેલા પરિવારે એક વીડિયો રેકોર્ડ કર્યો હતો. જેમાં કહેવાયુ હતું કે તેઓ લેણદારોના દબાણને સહન કરી શકતા નથી જેથી આ પગલું ભરી રહ્યા છે. જેમાં આ વીડિયો તેમના સંબંધીઓ સાથે શેર કરવામાં આવ્યો હતો. તો આ અંગે પડોશીઓએ જણાવ્યું કે તેઓએ વિચિત્ર અવાજો સાંભળ્યા હતા ત્યાર બાદ તેઓ ઘરમાં ભેગા થયા પરંતુ દરવાજો અંદરથી બંધ જોયો હતો. જ્યારે દરવાજો તોડ્યો ત્યારે તેઓએ બેને મૃત હાલતમાં અને બે ચીસો પાડતા જોયા હતા.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ