સપ્તાહના કોરોબારના છેલ્લા દિવસે એટલે કે, શુક્રવારને 1 માર્ચેના રોજ બજારમાં સેન્સેક્સ અને નિફ્ટીમાં શાનદાર ઉછાળો જોવા મળ્યો છે. સેન્સેક્સ 1,245.02 પોઈન્ટના ઉછાળા સાથે 73,745.35 પર બંધ થયો હતો જ્યારે નિફ્ટી 50 344.50 પોઈન્ટના ઉછાળા સાથે 22,327.30 પર બંધ થયો હતો. મિડકેપ શેરોમાં પણ દિવસભર અસ્થિરતા રહી હતી. બજાર બંધ થતાં નિફ્ટી મિડકેપ 50 બંધ થવા પર 152.25 પોઈન્ટ ઘટીને 13,898.10 પોઈન્ટની સપાટીએ બંધ થયો હતો.
આ શેરનો દબદબો રહ્યો
આજે ટોચમાં SAIL, ટાટા સ્ટીલ અને મેટ્રોપોલિસે અનુક્રમે 10.07 ટકા, 6.85 ટકા અને 6.44 ટકાના વધારા સાથે સારો દેખાવ જોવા મળ્યો હતો. જ્યારે જિંદાલ સ્ટીલ અને ટીવીએસ મોટર્સના શેરમાં પણ ક્રમશ 6.01 ટકા અને 5.93 ટકાનો વધારો જોવા મળ્યો હતો.
વૈશ્વિક બજારની વાત કરીએ તો એશિયન બજારોમાં હેંગસેંગ ઈન્ડેક્સ 78 પોઈન્ટ વધીને 16,589 ના સ્તર પર હતો. નિક્કી 744 પોઈન્ટના વધારા સાથે 39,910 પર ટ્રેડ કરી રહ્યો હતો. યુએસ માર્કેટમાં નાસ્ડેક 144 પોઈન્ટ વધીને 16,091 પર હતો.
વાંચવા જેવું: GSTથી લઇને અનેક નિયમોમાં આજથી બદલાવ, જાણી લેજો નહીંતર પાછળથી પસ્તાશો
સોના-ચાંદીના ભાવમાં વધારો
ભારતીય બુલિયન માર્કેટમાં આજે સોના અને ચાંદીના ભાવમાં થોડો ફેરફાર જોવા મળ્યો છે . બંને કિમતી ધાતુઓના ભાવમાં વધારો થયો છે. સોનું મોંઘું થઈ ગયું છે અને તે 62,590 રૂપિયા પ્રતિ 10 ગ્રામના સ્થિર ભાવે વેચાઈ રહ્યું છે, જ્યારે ચાંદી 79,000 રૂપિયા પ્રતિ કિલોના ભાવે વેચાઈ રહી છે. વિવિધ શહેરોમાં તેમની કિંમતોમાં થોડો તફાવત હોઈ શકે છે. વિદેશી મુદ્રા વેપારમાં ભારતીય રૂપિયો અમેરિકી ડોલર સામે 82.89 રૂપિયા પર પહોંચી ગયો છે.
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
