બોલિવુડ / અચાનક #BoycottJawanMovieનો ટ્રેન્ડ ઉપડ્યો, શાહરુખ ખાનને ફિલ્મ રીલીઝના એક દિવસ પહેલા તગડો ઝટકો, જુઓ શું થયું

• આ અગાઉ ફિલ્મ પઠાણનો પણ થયો હતો બોયકોટ
• ફિલ્મ રિલીઝ પહેલા જ ફિલ્મની બોયકોટની માંગ 
• ઘણા યુઝર્સ આ બોયકોટના ટ્રેન્ડની મજાક ઉડાવી રહ્યા છે

jawan boycott trend: શાહરૂખ ખાનની ફિલ્મ જવાનની રિલીઝના એક દિવસ પહેલા જે આશંકા હતી તે જ થયું. ટ્વીટર પર જવાન બોયકોટનું હેશટેગ ટ્રેન્ડ થવા લાગ્યું છે. ઘણા લોકો ટ્વીટ કરીને ફિલ્મ જવાનનો બોયકોટ કરવાનું કહી રહ્યા છે. અગાઉ શાહરૂખ ખાનના પઠાણ સામે પણ આવું જ વાતાવરણ સર્જાયું હતું. બહિષ્કારનું વલણ ઘણું હતું. પરંતુ જ્યારે આ ફિલ્મ રિલીઝ થઈ ત્યારે તેણે હિન્દી સિનેમાના તમામ રેકોર્ડ તોડી નાખ્યા હતા.

થઇ રહ્યો છે બોયકોટ
ટ્વિટર પર બોયકોટ જવાન મુવી નામનું હેશટેગ ચાલી રહ્યું છે. આ હેશટેગનો ઉપયોગ કરીને, એક ટ્વિટર યુઝરે લખ્યું, “અમારા મંદિરો તમારા પ્રમોશન માટેના સ્ટુડિયો નથી. ફિલ્મ રીલિઝ થતા પહેલા જ તમને હિન્દુ મંદિરો કેમ યાદ આવે છે? આ બકવાસ બંધ કરો.”

Our Temples are not your studios for promotional gimmicks.

Why just before a movie release you remember Hindu temples ?

STOP THIS NONSENSE !!#BoycottJawanMovie pic.twitter.com/LFHOMd1Bt1

— Rajesh Bhatt 🔥🚩 🇮🇳 (@RajeshRB001) September 5, 2023

આ સિવાય દિવંગત સુશાંત સિંહ રાજપૂતના નામ પર એક ટ્વિટર હેન્ડલ પર લખ્યું, “હું કોઈ ધર્મ કે સમુદાયના કારણે જવાન ફિલ્મના બોયકોટનું સમર્થન નથી કરી રહ્યો. હું તેનું સમર્થન કરું છું કારણ કે આ ફિલ્મ ક્રિમિનલ બોલિવુડનું પ્રોડક્શન છે, જેણે મારા સુશાંતનું જીવન, અધિકાર અને સન્માન છીનવી લીધું હતું. બસ."

બોયકોટનું બની રહ્યુ છે મજાક
એક તરફ લોકો ફિલ્મનો બોયકોટ કરવાની વાત કરી રહ્યા છે તો બીજી તરફ ઘણા યુઝર્સ આ બોયકોટના ટ્રેન્ડની મજાક ઉડાવી રહ્યા છે. એક યુઝરે લખ્યું કે, “હું આ ટ્રેન્ડને સંપૂર્ણ રીતે સપોર્ટ કરું છું. દરેક વ્યક્તિએ તમામ હોલ માટે ટિકિટ બુક કરાવી છે, આવી સ્થિતિમાં ટિકિટ ન મળવાને કારણે કોઈ ફિલ્મ જોવા જઈ શકશે નહીં.”

Boycott jawan people be like

#BoycottJawanMovie pic.twitter.com/cYlhI4SO6k

— simran lessly (@Simranlessly) September 6, 2023

એક યુઝરે લખ્યું કે,“બોયકોટ જવાન ફિલ્મ ટ્રેન્ડ થવા લાગી છે. હવે મને ખાતરી છે કે ફિલ્મ જવાન પઠાણના પણ તમામ રેકોર્ડ તોડી નાખશે." એક યુઝરે ધમાલ ફિલ્મની મીમ શેર કરી છે. જેમાં લખ્યું છે, "જે લોકોએ જવાન ફિલ્મનો બોયકોટ કર્યો...” જવાન ફિલ્મ જોવામાં આવી રહી છે...હા, બોયકોટ જવાન ટ્વિટ કર દિયા... નહી કરના થા, અબ વો 1500 કરોડ કમાયેગી."