BIG NEWS / CR પાટીલ એક્શન મોડમાં: ભાજપમાં બળવો કરનારા સાત નેતાઓને કર્યા સસ્પેન્ડ, જુઓ આખું લિસ્ટ

• અપક્ષ ઉમેદવારી કરનારને ભાજપે સસ્પેન્ડ કર્યા
• હર્ષદ વસાવા, અરવિંદ લાડાણી, છત્રસિંહ ગુંજારિયા સસ્પેન્ડ 
• કેતન પટેલ, ઉદય શાહ, ભરત શાહને કરાયા પાર્ટીમાંથી સસ્પેન્ડ 

ગુજરત વિધાનસભા ચૂંટણીની મતદાનની તારીખો નજીક આવી રહી છે તેમ તેમ રાજકીય માહોલ ગરમાયો છે. આક્ષેપ અને નવિદેનબાજીઓ તેમજ પક્ષ પલટાના પવનો ફૂંકાઈ રહ્યાં છે. મતદાનની તારીખો નજીક આવતા રાજકીય પક્ષો દ્વારા પ્રચાર ધમધમાટા પૂર્વક ચાલી રહ્યો છે. તો બીજી તરફ પણ એવો પણ કેટલાક નેતાઓ છે જેમને પાર્ટી ટિકટ ન આપતા તેઓએ અપક્ષ ઉમેદવારી નોંધાવી છે. જે બાબતે ભાજપ આજે એક્શન મૂડમાં આવી છે અને ભાજપમાથી અપક્ષ ઉમેદવારી કરનારને પાર્ટીએ સસ્પેન્ડ કર્યા છે.

જુઓ લિસ્ટ...

ભાજપમાથી અપક્ષ ઉમેદવારી કરનારને પાર્ટીએ સસ્પેન્ડ કર્યા
ભાજપ સામે બળવાખોર સાત અપક્ષ ઉમેદવારને સસ્પેન્ડ કર્યા છે જેમાં નાંદોદથી અપક્ષ ઉમેદવાદ હર્ષદ વસાવાના સસ્પેન્ડ કરાયા છે તો કેશોદથી અપક્ષ ઉમેદવારી નોંધાવનાર અરવિંદ લાડાણી પણ સસ્પેન્ડ કરવામાં આવ્યા છે તેમજ ધ્રાંગધ્રાથી અપક્ષ ઉમેદવારી નોંધાવનાર છત્રસિંહ ગુંજારિયાને પણ ભાજપમાંથી સસ્પેન્ડ કરાયા છે તો પારડીથી અપક્ષ ઉમેદવારી નોંધાવનાર કેતન પટેલને સસ્પેન્ડ કરાયા છે. વેરાવળથી અપક્ષ ઉમેદવારી નોંધાવનાર ઉદય શાહ પણ સસ્પેન્ડ કરાવી માહિતી છે. રાજકોટ ગ્રામ્યથી અપક્ષ ઉમેદવારી નોંધાવનાર ભરત ચાવડા અને મહુવાથી અપક્ષ ઉમેદવારી નોંધાવનાર કરણ બરૈયાને પ્રદેશ ભાજપ પ્રમુખ સી આર પાટીલે સસ્પેન્ડ કર્યા છે.