સ્ટોક માર્કેટ / શેરબજારમાં મોટો કડાકો, રોકાણકારોના 2.42 લાખ કરોડ સ્વાહા! સેન્સેક્સ 793 પોઈન્ટ ડાઉન

નબળા વૈશ્વિક સંકેતો વચ્ચે સપ્તાહના છેલ્લા દિવસે શુક્રવારે સ્થાનિક શેરબજારમાં હંગામો જોવા મળ્યો હતો. આજે કારોબારના અંતે બોમ્બે સ્ટોક એક્સચેન્જનો સેન્સેક્સ 793.25 પોઈન્ટ ગગડીને 74244.90ની સપાટીએ બંધ થયો હતો. તો નેશનલ સ્ટોક એક્સચેન્જનો બેન્ચમાર્ક નિફ્ટી પણ 234.40 પોઈન્ટ ઘટીને 22519.40ની સપાટીએ બંધ થયો હતો. BSE મિડકેપ અને સ્મોલકેપ સૂચકાંકો ટ્રેડિંગ સેશન દરમિયાન 0.5 ટકા નબળા પડ્યા હતા. તો નિફ્ટી બેન્ક 422 પોઈન્ટ્સ - 0.86% ઘટીને 48,564.55 પર બંધ થયો હતો.

રોકાણકારોની સાવચેતીનો પણ ફાયદો
શેરબજારમાં આજે ચોતરફ ખરીદી જોવા મળી હતી. IT ક્ષેત્રની અગ્રણી TCSના માર્ચ ક્વાર્ટરના ડેટા પહેલા રોકાણકારોની સાવચેતી પણ ભારતીય શેરબજારમાં ઘટાડા ગણાવી શકાય. સમાચાર મુજબ શુક્રવારે તેલ, ગેસ, એફએમસીજી અને ફાર્મા કંપનીઓના શેરમાં વેચાણ જોવા મળ્યું હતું.

વાંચવા જેવું: સોનાના ભાવે વટાવી સર્વોચ્ચ સપાટી: કિંમત પહોંચી 73 હજારની નજીક, તો ચાંદીમાં પણ મોટો ઉછાળો, જાણો લેટેસ્ટ રેટ

આ સ્ટોક્સમાં ઉતાર-ચડાવ રહ્યો
ડિવિસ લેબ, બજાજ ઓટો, ટાટા કન્ઝ્યુમર પ્રોડક્ટ્સ, ટાટા મોટર્સ અને ટીસીએસ નિફ્ટી 50માં ટોચના ગેનર રહ્યાં હતા. જ્યારે નિફ્ટી 50માં સન ફાર્મા, મારુતિ સુઝુકી, પાવર ગ્રીડ, ટાઇટન અને ઓએનજીસી શેરો મોટા પાયા પાછળ રહ્યાં હતા.  યુએસ ડૉલર અને 10-વર્ષની ટ્રેઝરી યીલ્ડ શુક્રવારે તેમની પાંચ મહિનાની ટોચની નજીક ટ્રેડ થઈ હતી. એવું કહેવામાં આવી રહ્યું છે કે રોકાણકારો હવે અપેક્ષા રાખે છે કે ફેડ રેટ કટમાં જૂન પછી વિલંબ કરશે. એવી ચિંતા પણ વધી રહી છે કે યુએસ સેન્ટ્રલ બેંક કોઈ નોંધપાત્ર દરમાં ઘટાડો નહીં કરે.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો