5 ફોટો ગેલેરી

ધર્મ / 9 કે 10 ઓક્ટોબર, સર્વપિતૃ અમાવસ્યા ક્યારે ? જાણો તર્પણ અને શ્રાદ્ધની સરળ રીત

Last Updated: 04:31 PM, 8 October 2026

FOLLOW ON

શેર કરો

હિંદુ ધર્મમાં 16 દિવસ સુધી ચાલતા પિતૃ પક્ષનું સમાપન સર્વ પિતૃ અમાસ સાથે થાય છે. વર્ષ 2026 માં સર્વ પિતૃ અમાસ 10 ઓક્ટોબરના રોજ ઉજવવામાં આવશે.

1/5

1. 9 કે 10 ઓક્ટોબર, સર્વપિતૃ અમાવસ્યા ક્યારે ? જાણો તર્પણ અને શ્રાદ્ધની સરળ રીત

હિંદુ ધર્મ અને સંસ્કૃતિમાં પિતૃ પક્ષ એટલે કે શ્રાદ્ધ પક્ષનું અતિ વિશિષ્ટ ધાર્મિક અને આધ્યાત્મિક મહત્વ રહેલું છે. 16 દિવસ સુધી ચાલતા આ પવિત્ર શ્રાદ્ધ મહાપર્વનું સમાપન સર્વ પિતૃ અમાસ સાથે થાય છે, જેને શાસ્ત્રોમાં 'મહાલય અમાસ' પણ કહેવામાં આવે છે. પૌરાણિક માન્યતાઓ અનુસાર, આ દિવસે પૃથ્વી પર આવેલા તમામ પિતૃઓનું સ્મરણ કરીને તેમને પૂર્ણ આદર અને શ્રદ્ધા સાથે પિતૃલોક તરફ વિદાય આપવામાં આવે છે. વર્ષ 2026 માં સર્વ પિતૃ અમાસ પર ગ્રહ-નક્ષત્રો અને પંચાંગના હિસાબે અત્યંત ખાસ સંયોગ બની રહ્યો છે, જે પિતૃઓના આશીર્વાદ અને કૃપા મેળવવા માટે શ્રેષ્ઠ માનવામાં આવે છે.

આ તસવીર શેર કરો

2/5

2. પંચાંગ અનુસાર સાચી તિથિ અને સમય

દ્રિક પંચાંગની ગણતરી મુજબ, આ વર્ષે સર્વ પિતૃ અમાસ 10 October, શનિવારના રોજ મનાવવામાં આવશે. અમાસ તિથિ પ્રારંભ: 9 October ના રોજ રાત્રે 09:35 વાગ્યાથી અને અમાસ તિથિ સમાપ્ત: 10 October ના રોજ રાત્રે 09:19 વાગ્યે.

આ તસવીર શેર કરો

3/5

3. શ્રાદ્ધ અને તર્પણ માટેના શ્રેષ્ઠ શુભ મુહૂર્ત

શાસ્ત્રો અનુસાર શ્રાદ્ધ અને પિંડદાનની વિધિ બપોરના સમયે (કુતુપ અને રોહિણી કાળમાં) કરવી શ્રેષ્ઠ ગણાય છે. 10 October ના રોજ શુભ મુહૂર્ત આ મુજબ રહેશે. કુતુપ મુહૂર્ત: સવારે 11:45 વાગ્યાથી બપોરે 12:31 વાગ્યા સુધી, રોહિણી મુહૂર્ત: બપોરે 12:31 વાગ્યાથી બપોરે 01:18 વાગ્યા સુધી, અપરાહ્ન કાળ: બપોરે 01:18 વાગ્યાથી સાંજે 03:37 વાગ્યા સુધી.

આ તસવીર શેર કરો

4/5

4. શા માટે સર્વ પિતૃ અમાસ માનવામાં આવે છે અત્યંત ખાસ?

શાસ્ત્રોક્ત માન્યતા મુજબ, જો કોઈ પરિવારને પોતાના પૂર્વજો કે સ્વજનોની મૃત્યુ તિથિ યાદ ન હોય, અથવા પિતૃ પક્ષના અન્ય ૧૫ દિવસો દરમિયાન કોઈ કારણોસર શ્રાદ્ધ કે તર્પણ ન થઈ શક્યું હોય, તો તેઓ સર્વ પિતૃ અમાસના દિવસે પોતાના તમામ પિતૃઓના નિમિત્તે શ્રાદ્ધ, તર્પણ અને પિંડદાન કરી શકે છે. આ દિવસે વિધિ-વિધાનથી જળ-તિલાંજલિ આપવાથી અને બ્રાહ્મણો કે જરૂરિયાતમંદોને અન્ન અને વસ્ત્રનું દાન કરવાથી પિતૃદોષ શાંત થાય છે તેમજ કુળમાં સુખ, સમૃદ્ધિ અને શાંતિનો વાસ થાય છે.

આ તસવીર શેર કરો

5/5

5. નવરાત્રિ પૂર્વે પિતૃ વિસર્જન

સર્વ પિતૃ અમાસના બીજા જ દિવસે એટલે કે 11 October 2026 થી આસો મહિનાની શારદીય નવરાત્રિનો પ્રારંભ થશે. પિતૃઓને આદરપૂર્વક વિદાય આપ્યા બાદ શક્તિ ઉપાસનાના આ મહાપર્વનો ભવ્ય પ્રારંભ થાય છે, જે હિંદુ ધર્મમાં અત્યંત શુભ અને મંગળકારી ગણાય છે.

આ તસવીર શેર કરો

સંકળાયેલા મુદ્દાઓ

MahalayaAmavasya PitruPaksha2026 SarvaPitruAmavasya