5 ફોટો ગેલેરી

Child Data Protection / માતા-પિતાની સંમતિ વિના બાળકોના પર્સનલ ડેટાનું પ્રોસેસિંગ નહીં થાય, નવા નિયમોમાં બાળકોના ડેટાની સુરક્ષા માટે કડક જોગવાઈઓ

Last Updated: 03:43 PM, 8 October 2026

FOLLOW ON

શેર કરો

DPDP Act Children Data Rules India:સરકારે DPDP કાયદા હેઠળના નિયમો સ્પષ્ટ કર્યા છે. આ નિયમો અનુસાર, બાળકો અને દિવ્યાંગ વ્યક્તિઓ સંબંધિત ડેટાની પ્રક્રિયા માટે માતા-પિતાની સંમતિ અનિવાર્ય છે. વધુમાં, MeitYએ ઓડિટના વ્યાપને સ્પષ્ટ કરતા તેને 'ડેટા ઓડિટ' તરીકે નિર્ધારિત કર્યું છે.

1/5

1. DPDP એક્ટ, 2023' અંગેના નિયમો

કેન્દ્ર સરકારે 'ડિજિટલ પર્સનલ ડેટા પ્રોટેક્શન (DPDP) એક્ટ, 2023' અંગેના નિયમો અને તેની ભાષા સ્પષ્ટ કરી છે. ઇલેક્ટ્રોનિક્સ અને માહિતી ટેકનોલોજી મંત્રાલય (MeitY) દ્વારા તાજેતરમાં આ અંગે એક જાહેરનામું બહાર પાડવામાં આવ્યું હતું. આ સુધારાનો મુખ્ય ઉદ્દેશ્ય કાયદાની ભાષામાં રહેલી અસ્પષ્ટતાઓને દૂર કરવાનો અને ડેટા સુરક્ષાના નિયમોમાં પારદર્શિતા સુનિશ્ચિત કરવાનો છે. સરકારનું આ પગલું બાળકો અને યુવાનોના ડિજિટલ ડેટાની પ્રાઇવેસી અને સુરક્ષા માટે મજબૂત કાનૂની રક્ષણ પૂરું પાડે છે.

આ તસવીર શેર કરો

2/5

2. સરકારની બે મહત્વપૂર્ણ જોગવાઈઓ

નવા આદેશ હેઠળ, સરકારે બે મહત્વપૂર્ણ જોગવાઈઓ સ્પષ્ટ કરી છે. પ્રથમ જોગવાઈ બાળકો અને કાનૂની વાલીઓ ધરાવતા દિવ્યાંગ વ્યક્તિઓના વ્યક્તિગત ડેટાની પ્રક્રિયા સાથે સંબંધિત છે; તે માતા-પિતા અથવા વાલી પાસેથી ચકાસી શકાય તેવી સંમતિ મેળવવાનું ફરજિયાત બનાવે છે. બીજો ફેરફાર 'સિગ્નિફિકન્ટ ડેટા ફિડ્યુશિયરીઝ' માટેની ઓડિટ પ્રક્રિયાને લગતો છે, જેને હવે સ્પષ્ટપણે 'ડેટા ઓડિટ' તરીકે ઓળખવામાં આવી છે. આ સ્પષ્ટતાને કારણે ટેક કંપનીઓ, સ્ટાર્ટઅપ્સ અને ડેટા-પ્રોસેસિંગ સંસ્થાઓ માટે નિયમોનું પાલન કરવું સરળ બનશે.

આ તસવીર શેર કરો

3/5

3. બાળકો અને દિવ્યાંગોના ડેટા પર કડક નિયમ

કેન્દ્ર સરકારે 'ડિજિટલ પર્સનલ ડેટા પ્રોટેક્શન (DPDP) એક્ટ, 2023'ની જોગવાઈઓ સ્પષ્ટ કરી છે. (1) કોઈપણ બાળક અથવા કાયદેસરના વાલીની દેખરેખ હેઠળની દિવ્યાંગ વ્યક્તિના વ્યક્તિગત ડેટા પર પ્રક્રિયા કરતા પહેલાં, તેમના માતા-પિતા અથવા કાયદેસરના વાલી પાસેથી ચકાસી શકાય તેવી સંમતિ મેળવવી ફરજિયાત રહેશે. (2) અગાઉ તેની ભાષામાં કેટલીક તકનીકી અસ્પષ્ટતા હતી. સરકારે હવે ‘ડિજિટલ પર્સનલ ડેટા પ્રોટેક્શન (રિમૂવલ ઓફ ડિફિકલ્ટીઝ) ઓર્ડર, 2026’ દ્વારા તેનું નિરાકરણ કર્યું છે. તેનો ઉદ્દેશ્ય એ સુનિશ્ચિત કરવાનો છે કે સંવેદનશીલ વર્ગોના ડેટાનો દુરુપયોગ ન થાય અને દરેક સ્તરે મજબૂત સુરક્ષા જળવાઈ રહે.

આ તસવીર શેર કરો

4/5

4. સ્પષ્ટ કર્યો ડેટા ઓડિટ શબ્દ

આ નવી વ્યવસ્થા હેઠળ, Significant Data Fiduciaries સંબંધિત નિયમોમાં પણ નોંધપાત્ર સુધારા કરવામાં આવ્યા છે. મૂળ કાનૂની લખાણમાં 'ઓડિટ' શબ્દના વારંવારના ઉપયોગને કારણે તેના વ્યાપ અંગે અસ્પષ્ટતા ઊભી થઈ હતી; હવે આ બાબત સ્પષ્ટપણે ઉકેલી લેવામાં આવી છે.

આ તસવીર શેર કરો

5/5

5. ડેટા સુરક્ષા ઓડિટ

નિયમ-પાલનની જવાબદારીઓના ભાગરૂપે કરવામાં આવતા ઓડિટને હવે સ્પષ્ટપણે 'ડેટા ઓડિટ' અથવા 'ડેટા સુરક્ષા ઓડિટ' તરીકે ઓળખવામાં આવશે. આ ફેરફારને કારણે નિયમ-પાલન અંગે નિયમનકારી સત્તાવાળાઓ અને કંપનીઓ વચ્ચેની કોઈપણ સંભવિત મૂંઝવણ દૂર થશે.

આ તસવીર શેર કરો

સંકળાયેલા મુદ્દાઓ

children data parental clarifies dpdp act rules education government