6 ફોટો ગેલેરી

Food Delivery Apps / એક જ ફૂડ અને ₹130 નો તફાવત, ફૂડ મંગાવતા પહેલાં જાણી લો હિડન ચાર્જિસનો ખેલ

Last Updated: 10:03 PM, 27 September 2026

FOLLOW ON

શેર કરો

અલગ-અલગ ફૂડ એપ્સના ઊંચા કમિશન, પ્લેટફોર્મ ફી અને હિડન ચાર્જિસને કારણે એક જ ફૂડના ભાવમાં 130 સુધીનો મોટો તફાવત જોવા મળે છે. આથી ઓનલાઈન ઓર્ડર કરતા પહેલા અમુક વસ્તુ કરીને પૈસા બચાવી શકાય છે.

1/6

1. ઓનલાઇન ફૂડ ઓર્ડર

આજના સમયમાં ભૂખ લાગે એટલે હોટેલ સુધી ધક્કો ખાવાને બદલે મોબાઈલમાં ફૂડ ઓર્ડર કરી લેવું એકદમ સામાન્ય બની ગયું છે. પરંતુ શું તમે ક્યારેય વિચાર્યું છે કે તમે જે ફૂડ ઓર્ડર કરી રહ્યા છો, તે જ ડિશ બીજી કોઈ એપ પર તમને ઘણી સસ્તી મળી શકે છે? તાજેતરમાં સોશિયલ મીડિયા પર આવો જ એક કિસ્સો ખૂબ વાયરલ થઈ રહ્યો છે, જેમાં એક ગ્રાહકે એક જ રેસ્ટોરન્ટમાંથી બિરયાની ઓર્ડર કરતી વખતે બે અલગ-અલગ ફૂડ ડિલિવરી એપ્સ પર ભાવ સરખાવ્યા તો તેને પૂરા 130 રૂપિયાનો મોટો તફાવત જોવા મળ્યો. આ ઘટનાએ ઓનલાઈન ફૂડ ઓર્ડર કરતા હજારો ગ્રાહકોને વિચારતા કરી મૂક્યા છે.

આ તસવીર શેર કરો

2/6

2. એક જ આઈટમ અને બે અલગ ભાવ કેમ?

આ કિસ્સો સામે આવ્યા બાદ લોકોમાં ભારે આશ્ચર્ય જોવા મળી રહ્યું છે. સામાન્ય ગ્રાહકને લાગે કે એપ ગમે તે હોય, ભાવ તો સરખા જ હોવા જોઈએ. પરંતુ આ તફાવત પાછળ મુખ્યત્વે નીચેના કારણો જવાબદાર છે.

આ તસવીર શેર કરો

3/6

3. એપ કમિશનનો તફાવત

ફૂડ ડિલિવરી એપ્સ રેસ્ટોરન્ટ માલિકો પાસેથી 15 % થી લઈને 30% સુધીનું કમિશન વસૂલે છે. જે એપ વધારે કમિશન લે છે, ત્યાં રેસ્ટોરન્ટ વાળા પોતાનો નફો જાળવી રાખવા માટે ફૂડના મેનૂ પ્રાઇસ જ ઊંચા સેટ કરી દે છે.

આ તસવીર શેર કરો

4/6

4. પ્લેટફોર્મ અને પેકિંગ ફી

દરેક એપના પોતાના હિડન ચાર્જિસ જેવા કે પ્લેટફોર્મ ફી, ડીલિવરી ચાર્જ, પેકિંગ ચાર્જ અને સર્જ ચાર્જ જેમાં વરસાદ કે ભીડ સમયે વધતો ભાવ અલગ-અલગ હોય છે.

આ તસવીર શેર કરો

5/6

5. ડિસ્કાઉન્ટ અને ONDC

અમુક એપ્સ ભારે ડિસ્કાઉન્ટ કે કેશબેક આપવાનો દાવો કરે છે પરંતુ તેની મૂળ કિંમત જ એટલી ઊંચી રાખવામાં આવે છે કે કૂપન એપ્લાય કર્યા પછી પણ ગ્રાહકને મોંઘું જ પડે છે. આ સિવાય સ્વિગી કે ઝોમેટો જેવા મોટા એગ્રીગેટર્સની સરખામણીએ ONDC એટલે કે ઓપન નેટવર્ક ફોર ડિજિટલ કોમર્સ કે મેજિકપિન જેવી એપ્સ પર કમિશન ઓછું હોવાથી ત્યાં એ જ બિરયાની ઘણી સસ્તી મળી રહે છે.

આ તસવીર શેર કરો

6/6

6. ગ્રાહકો માટે ટિપ

સોશિયલ મીડિયા યુઝર્સ આ વાયરલ પોસ્ટ પર પ્રતિક્રિયા આપતા સલાહ આપી રહ્યા છે કે ઓનલાઈન ઓર્ડર કરતી વખતે કોઈપણ એક એપ પર આંધળો વિશ્વાસ ન કરવો. ઓર્ડર કન્ફર્મ કરતા પહેલા બે-ત્રણ અલગ એપ્સ પર આઈટમનું ફાઈનલ બિલ એમાઉન્ટ સરખાવી લેવું જોઈએ. જો શક્ય હોય તો નજીકની રેસ્ટોરન્ટમાં ડાયરેક્ટ કોલ કરીને કે જાતે જઈને પિકઅપ કરવાથી પણ બિનજરૂરી ચાર્જિસમાંથી બચી શકાય છે.

આ તસવીર શેર કરો

સંકળાયેલા મુદ્દાઓ

ordering Food Food delivery substantial price