મનોરંજન / ''સલમાન ખાન ડર ગયા...'', અડધી રાત્રે ભાઈજાનની પોસ્ટથી ફેન્સ ચોંકી ઉઠ્યા

બોલિવૂડ સુપરસ્ટાર સલમાન ખાન છેલ્લા કેટલાક મહિનાઓથી સોશિયલ મીડિયા પર ખૂબ સક્રિય બન્યા છે અને વિવિધ સામાજિક મુદ્દાઓ પર પોતાના વિચારો રજૂ કરી રહ્યા છે. તાજેતરમાં, તેમણે NEET પેપર લીક વિવાદ અંગે બે પોસ્ટ શેર કરી હતી, જેણે સૌનું ધ્યાન ખેંચ્યું હતું અને જેના કારણે કેટલાક લોકો દ્વારા તેમને ટ્રોલ પણ કરવામાં આવ્યા હતા. આ બધાની વચ્ચે સલમાને મોડી રાત્રે એક એવી પોસ્ટ શેર કરી છે જેણે તેમના ચાહકોમાં ઉત્સાહ જગાવ્યો છે.

સલમાનને શું થયું ?

સલમાન ખાને મોડી રાત્રે સોશિયલ મીડિયા પર બે તસવીરો શેર કરી, જેમાં તે જીમમાં સખત કસરત કરતા જોવા મળે છે. શર્ટ વગરના સલમાનના માથા પર સફેદ ટુવાલ છે અને તે અરીસામાં તીવ્ર નજરે જોઈ રહ્યો છે. તસવીર સાથેનું કેપ્શન પણ ચર્ચાનો વિષય બન્યું છે; તેણે લખ્યું, "સલમાન ખાન ડર ગયા... હમ્મ્મ્મ... જો ડર ગયા, વો મર ગયા"

Salman Khan darrrrr Gaya…. Hmmmm Joe darr gaya vo mar gaya.. pic.twitter.com/CPTQpxWRsP

— Salman Khan (@BeingSalmanKhan) July 24, 2026

'ભાઈજાન'ની આ પોસ્ટ પર ફેન્સનું રિએક્શન આપી રહ્યા છે. એક ચાહકે લખ્યું, "સલમાન ભાઈ, બધા જાણે છે કે તમે કોઈથી ડરતા નથી." અન્ય એકે ટિપ્પણી કરી, "ભાઈજાન, અમે હંમેશા તમને પ્રેમ કરીશું." વળી, કોઈએ કહ્યું, "ભાઈ, તમે તો ધૂમ મચાવી દીધી છે!" ઘણા લોકોએ પૂછ્યું કે શું બધું બરાબર છે, જ્યારે અન્ય લોકોએ તેમના ફોટા પર 'ફાયર ઈમોજી' પોસ્ટ કર્યા.

એક વ્યક્તિએ લખ્યું, "ભાઈ, જ્યાં સુધી હું જાણું છું ત્યાં સુધી તમારી ડિક્શનરીમાં 'ડર' શબ્દનું અસ્તિત્વ જ નથી." અન્ય એક વ્યક્તિએ તેમની નવી સ્ટાઇલ વિશે કમેન્ટ કરી. ઘણા લોકોએ આ તસવીર પર હાર્ટ અને ફાયર ઈમોજીસ દ્વારા રિએક્શન આપ્યું.

આ પણ વાંચોઃ વિકેન્ડ બનશે ધમાકેદાર, ઓટીટી પર ઘરે બેઠા જુઓ રસપ્રદ ફિલ્મો અને સીરીઝ

કેમ ટ્રોલ થયા સલમાન?

સલમાન ખાને ગુરુવારે ઇન્સ્ટાગ્રામ પર એક પોસ્ટ શેર કરી હતી, જેમાં તેમણે જણાવ્યું હતું કે, વિદ્યાર્થીઓ અમારી સર્વોચ્ચ પ્રાથમિકતા છે, પછી ભલે તે તેમના શિક્ષણનો વિષય હોય કે તેમની સુરક્ષાનો. વિદ્યાર્થીઓ કે તેમના માતા-પિતાએ ચિંતા કરવાની જરૂર નથી. વડાપ્રધાને ટ્વીટ કર્યું છે અને મને પૂરો વિશ્વાસ છે કે પેપર લીક માટે જવાબદાર તમામ લોકો સામે તેઓ કડક કાર્યવાહી કરશે.

The students are at top priority, educationally n security-wise, so they need not worry and have their parents worried for them. The Honorable Prime Minister has tweeted, and I am sure that he will take strict action against all those people who are responsible for this leak. So… pic.twitter.com/89Ykfs5r4k

— Salman Khan (@BeingSalmanKhan) July 23, 2026

તેથી, બધા વિદ્યાર્થીઓએ ઘરે પાછા ફરીને તેમના માતા-પિતા સાથે રહેવું જોઈએ. સોનમ, હવે બધું પૂરું થઈ ગયું છે; આપણે આ વાતને આગળ ન વધારવી જોઈએ. ભવિષ્યમાં જો જરૂર પડશે, તો આપણે ફરીથી લડીશું. પણ મને નથી લાગતું કે તેની જરૂર પડશે. તારે અત્યારે કંઈક ખાઈ લેવું જોઈએ. જો તને ગમે, તો હું મારા ઘરેથી તારા માટે ભોજન મોકલાવી શકું છું.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ