રશિયાના રાષ્ટ્રપતિ વ્લાદિમીર પુતિને રાષ્ટ્રપતિની ચૂંટણી જીતી લીધી છે. ચૂંટણી જીત્યા બાદ તેણે પશ્ચિમી દેશોને ચેતવણી આપી છે. પુતિને સોમવારે પશ્ચિમને ચેતવણી આપી હતી કે રશિયા અને યુએસની આગેવાની હેઠળના નાટો લશ્કરી જોડાણ વચ્ચે સીધો સંઘર્ષનો અર્થ એ થશે કે પૃથ્વી ત્રીજા વિશ્વ યુદ્ધથી એક પગલું દૂર છે. પરંતુ ભાગ્યે જ કોઈ આવા દૃશ્ય ઇચ્છે છે.
ન્યૂઝ એજન્સી રોઈટર્સના જણાવ્યા અનુસાર, યુક્રેન યુદ્ધે 1962ના ક્યુબા મિસાઈલ કટોકટી પછી પશ્ચિમ સાથે મોસ્કોના સંબંધોમાં સૌથી ઊંડું સંકટ સર્જ્યું છે. ફ્રાન્સના રાષ્ટ્રપતિ ઇમેન્યુઅલ મેક્રોને ગયા મહિને કહ્યું હતું કે તેઓ ભવિષ્યમાં યુક્રેનમાં ભૂમિ સૈનિકોની તૈનાતીને નકારી શકતા નથી. ઘણા પશ્ચિમી દેશોએ તેનાથી પોતાને દૂર કર્યા છે, જ્યારે અન્ય, ખાસ કરીને પૂર્વ યુરોપમાં, સમર્થન વ્યક્ત કર્યું છે.
પુતિને આ મુદ્દે ઝાટકણી કાઢી હતી
પુતિને ઘણીવાર પરમાણુ યુદ્ધના જોખમો અંગે ચેતવણી આપી છે. પરંતુ તેમનું કહેવું છે કે તેમણે ક્યારેય યુક્રેનમાં પરમાણુ હથિયારોનો ઉપયોગ કરવાની જરૂર નથી અનુભવી. મેક્રોનની ટિપ્પણીઓ અને રશિયા અને નાટો વચ્ચે સંઘર્ષના જોખમ અને સંભાવના વિશે રોઇટર્સ દ્વારા પૂછવામાં આવતા પુતિને કટાક્ષ કર્યો. તેમણે કહ્યું કે 'આધુનિક વિશ્વમાં બધું જ શક્ય છે.'
વધુ વાંચોઃ VIDEO : વિદેશી છોકરી જોઈને ભૂરાયો થયો ભારતીય, જાહેરમાં કરી છેડતી, વીડિયો વાયરલ
સોવિયેત-રશિયન ઈતિહાસમાં અત્યાર સુધીની સૌથી મોટી જીત બાદ પુતિને પત્રકારોને જણાવ્યું હતું કે, "તે દરેક માટે સ્પષ્ટ છે કે આ પૂર્ણ સ્તરના ત્રીજા વિશ્વ યુદ્ધથી એક પગલું દૂર હશે." મને લાગે છે કે ભાગ્યે જ કોઈને તેમાં રસ છે. પુતિને કહ્યું કે નાટો સૈનિકો પહેલેથી જ યુક્રેનમાં છે, તેમણે ઉમેર્યું કે રશિયનો યુદ્ધના મેદાનમાં બોલાતી અંગ્રેજી અને ફ્રેન્ચ બંને શીખ્યા હતા. તેણે કહ્યું, 'આમાં કંઈ સારું નથી, સૌ પ્રથમ તેમના માટે, કારણ કે તેઓ ત્યાં અને મોટી સંખ્યામાં મરી રહ્યા છે.'
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
