ઓનલાઈન ફ્રોડમાં એક એક મીનટ ખૂબ જ અગત્યની હોય છે. કારણ કે બધો ખેલ ઓનલાઈન હોય છે. મિનિટોમાં પૈસા અહીંથી ત્યાં ટ્રાન્સફર થઈ જાય છે. માટે પહેલી 30 મિનિટ ખૂબ જ મહત્વની હોય છે.
ઉદાહરણ તરીકે જો તમારી સાથે ફ્રોડ થાય છે તો તે ઠગ તે પૈસા અજાણ્યા એકાઉન્ટ કે મની વોલેટમાં પહોંચાડે છએ. પછી ત્યાંથી કોઈ એટીએમથી રકમ બહાર કાઢવાનો પ્રયત્ન કરે છે. આ કામ તે ગમેતેટલું ઝડપી કરે પરંતુ ઓછામાં ઓછી 30 મિનિટ તો તેને લાગે જે છે. 30 મિનિટ પુરી થઈ ગયા બાદ આ પૈસા ક્યાંયને ક્યાંય પહોંચી જાય છે અને બેંકિંગ સિસ્ટમથી કાઢી લેવામાં આવે છે. જેના બાદ તેને ઓનલાઈન મેળવવા મુશ્કેલ થઈ જાય છે. એવામાં તમે પૈસા પાછા મેળવવા આટલી વસ્તુઓ કરી શકો છો.
સ્ટેપ-1
એક્સપર્ટ્સ અનુસાર ઓનલાઈન ફ્રોડ થવાની સ્થિતિમાં તરક ફરીયાદ નોંધાવો. તેના માટે સૌથી પહેલા જે એકાઉન્ટ કે ડેબિટ/ક્રેડિટ કાર્ડ/ માસ્ટર કાર્ડમાંથી પૈસા ઉપાડ્યા છે તેને તરત બ્લોક કરાવી દો. પોતાની બેંકનો સંપર્ક કરો અને તેને સંપૂર્ણ મામલો જણાવીને પોતાના એકાઉન્ટ કે કાર્ડ ફ્રીઝ કરવા માટે કહો. જેનાથી વધારે ટ્રાન્ઝેક્શન ન થઈ શકે.
સ્ટેપ-2
એકાઉન્ટ ફ્રીઝ કર્યા બાદ બીજો સ્ટેપ છે કે બને તેટલું જલ્દી તેની ફરિયાદ કરી લો. ઓનલાઈન ફ્રોડની ફરિયાદ કરવાની ત્રણ રીત છે જેમાં પહેલી છે ક્રાઈમ હેલ્પલાઈન નંબર પર ફરિયાદ કરો, બીજુ તેનો રિપોર્ટ ઓનલાઈન પોર્ટલ પર કરો અને ત્રીજું નજીકના સાઈબર ક્રાઈમ સ્ટેશનમાં તેની ફરિયાદ નોંધાવો.
હેલ્પલાઈન નંબર
તમારા સાથે ફ્રોડ થાય તો સૌથી પહેલા હેલ્પલાઈન નંબર 1939 કે 155260 પર કોલ કરી ફ્રોડની ફરીયાદ લખાવો. આ હેલ્પલાઈન પર ફોન કરાવ્યા બાદ તે તમારી પાસે તમારૂ લોકેશન અને અન્ય જાણકારી માંગે છે જેના બાદ ફરિયાદ નોંધાવ્યાના તરત બાદ કાર્યવાહી કરવામાં આવે છે.
ઓનલાઈન પોર્ટલ
ઓનલાઈન ફ્રોડને રજીસ્ટર કરવા માટે National Cybercrime Reporting Portal બનાવ્યું છે. પોર્ટલ પર ફરિયાદ કર્યા બાદ ત્યાં હાજર અધિકારી તમને પોતે ફોન કરીને અપરાધ સાથે જોડાયેલી જાણકારી માંગે છે. અને કાર્યવાહી કરે છે.
વધુ વાંચો: Video: આ છે ટીમ ઈન્ડિયાની જોરદાર શરૂઆત, તો End કેવો હશે? જુઓ T20 વર્લ્ડ કપની તૈયારીનું દમદાર ટ્રેલર
સાઈબર સેલમાં રિપોર્ટ
રિપોર્ટ કરવાની રીત સૌથી સરળ રીત છે પોતે જઈને નજીકના સાઈબર સ્ટેશનમાં તેનો રિપોર્ટ કરો. જ્યાં પોલીસ અધિકારી તમારો રિપોર્ટ લખે છે અને તેના પર કાર્યવાહી કરે છે. તમે પોતાનો રિપોર્ટ પોતાના કોઈ પણ નજીકના સ્ટેશનમાં જઈને પણ કરાવી શકો છો.
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
