મહામંથન / પાવરફૂલ પ્રચારમાં રૂપાલાને ક્ષત્રિય સમાજની ટિપ્પણી ભારે પડી!, માફી બાદ સમાજમાં રોષ કેમ છે ?

ચૂંટણીની તારીખોના એલાન બાદ પ્રચાર સાથે વાદ-વિવાદના પડઘમ પણ વાગી રહ્યાં છે. ટિકિટને લઇને થયેલા મતભેદની વાત હોય કે સમર્થકોના રોષ અને રાજીપાની બાબત હોય. નેતાઓના નિવેદનથી લઇને જનતાના મનની વાત સોશિયલ મીડિયાથી દરેક વ્યક્તિ સુધી પહોંચી છે. કેટલાક નિવેદનોએ આગ લગાવી દીધી છે. તો કેટલીક પોસ્ટથી લાગેલી આગ બૂઝાઇ પણ છે. 

વિરોધની આગ ક્યાં લાગી ક્યાં બૂઝાઇ?
અત્યારના સૌથી ચર્ચિત મુદ્દાની વાત કરીએ તો પરશોતમ રૂપાલાને ક્ષત્રિય સમાજ વિશેની જૂની ટિપ્પણી પાવરફૂલ પ્રચારના દિવસોમાં ખૂબ ભારે પડી છે. રાજકોટ,કચ્છ,મધ્યગુજરાત અને સૌરાષ્ટ્રમાં ઠેરઠેર ક્ષત્રિયો નારાજ છે. રૂપાલાએ માફી માગ્યા બાદ પણ સમાજમાં રોષ છે. વિશેષમાં હવે દલિત સમાજમાં પણ માફીના નિવેદન વખતે કહેલી વાતને લઇ રોષ છે. માત્ર રૂપાલા જ નહીં થોડા દિવસો પહેલા કોંગ્રેસ નેતા પરેશ ધાનાણીએ કરેલા વ્યંગબાણો પણ ખૂબ ચર્ચાયા. જેને એ બાણો વાગ્યા એને વળતો જવાબ પણ આપ્યો.

વાંચવા જેવું: છોટાઉદેપુરમાં ભાજપ થશે રિપીટ કે કોંગ્રેસ ગઢ પરત છીનવશે? જ્ઞાતિ સમીકરણે બાજી ફેરવી

સોશિયલ મીડિયામાં વધતો વિવાદ
આ તરફ ભીખાજી ઠાકોરની ડામોર અટકને લઇને થયેલા વિવાદને પણ સોશિયલ મીડિયામાં ખુલ્લો મુકાયો. તો વડોદરામાં રંજનબેનને બદલે હિમાંશુ ભટ્ટને ટિકિટ અપાતા ભાજપના જ કાર્યકરો રોષ ઠાલવવાથી બચી ન શક્યા. કોઇએ વોટ્સએપ પર તો કોઇએ લાઇવ સ્ટ્રીમિંગ વખતે કોમેન્ટ કરી વિવાદની આગમાં આહૂતી આપી. તો, પોરબંદરમાં પણ આયાતી ઉમેદવાર સામે સોશિયલ મીડિયામાં રોષ દેખાયો છે. સવાલ એ છે કે આ અભિવ્યક્તિની આઝાદી આપનારા આ માધ્યમ પર સંયમતા કેટલી જરૂરી છે? વાયરલ થતાં નિવેદન પક્ષ ઉમેદવાર પર કેવી અસર પાડશે? સોશિયલ મીડિયાની સામગ્રીની સત્યતા કેવી રીતે ખબર પડે? 

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો