પહેલાના સમયમાં લોકો ચૂલા પર રોટલી બનાવતા હતા અને હાલના સમયમાં રોટલી ગેસ પર બનાવવામાં આવે છે. લોકો ફુલેલી રોટલી બનાવવા માટે રોટલીને ડાયરેક્ટ ગેસ પર શેકે છે. રોટલીને ડાયરેક્ટ ગેસ પર શેકવી સ્વાસ્થ્ય માટે સારું માનવામાં નથી આવતું. કારણકે ઊંચા તાપમાન પર ખાધ્ય વસ્તુઓ બળી જાય છે. ખાધ્ય વસ્તુઓ ડાયરેક્ટ ગેસના સંપર્કમાં આવતા તે ઝેરી તત્વોનું નિર્માણ કરે છે. આ ઝેરી તત્વો કેન્સર જેવી બીમારીનું કારણ બની શકે છે.
રોટલીને ડાયરેક્ટ ગેસ પર શેકવાથી શું નુકસાન થાય છે
રોટલીમાં ઝેરી પદાર્થોનો સમાવેશ થાય છે
રોટલીને ડાયરેક્ટ ગેસ પર શેકવાથી જમવાનું તો જલ્દીથી બની જાય છે અને સમયની પણ બચત થાય છે, પરતું આવું કરવાથી રોટલી હાનિકારક ગેસના સંપર્કમાં આવી જાય છે. એક અભ્યાસ મુજબ નેચરલ ગેસ સ્ટોવ કાર્બન મોનોક્સાઇડ, નાઇટ્રોજન ડાયોક્સાઇડ અને સૂક્ષ્મ કણો જેવા વાયુ પ્રદૂષકોનું ઉત્પાદન કરે છે. જેના કારણે સ્વાસ્થ્યને નુકસાન થઈ શકે છે.
ક્રોનિક બીમારીનું જોખમ
એક ખાનગી અહેવાલ મુજબ રોટલીને ડાયરેક્ટ ગેસ પર શેકવાથી શ્વાસને લગતી બીમારીઓ વધી જાય છે. હ્રદય રોગનું જોખમ પણ વધી શકે છે.
વાંચવા જેવું: સવાર-સવારમાં ખાલી પેટ દોડવું સ્વાસ્થ્ય માટે ફાયદાકારક કે નુકસાનકારક? જાણો શું કહે છે નિષ્ણાંત
કેન્સરનું જોખમ
જો રોટલીને ડાયરેક્ટ ગેસ પર શેકવામાં આવે તો તેનાથી કેન્સર જેવી ગંભીર બીમારીનું જોખમ વધી જાય છે. કારણકે તેનાથી ખાધ્ય પદાર્થમાં કાર્સિનોજેનિક સંયોજનોનું નિર્માણ થાય છે. જે સમય જતાં કેન્સરના વિકાસનું કારણ બને છે.
તવા પર રોટલી શેકવી જોઈએ
ગેસ પર ડાયરેક્ટ રોટલી શેકવા કરતાં તમારે રોટલીને તવા પર શેકવી જોઈએ. તવા પર રોટલી શેકવી એ એક સારો વિકલ્પ છે. આ સાથે રોટલી સરખી રીતે પાકે છે અને તે બળતી પણ નથી.
