- RILનું માર્કેટ કેપ મંગળવારે રૂ. લાખ કરોડને પાર કરી ગયું હતું
- RIL રૂ. 20 લાખ કરોડનું માર્કેટ કેપ હાંસલ કરનારી દેશની પ્રથમ કંપની બની
- કંપનીના શેર રૂ. 2,957.80ની સર્વકાલીન ઉચ્ચ સપાટીએ પહોંચી ગયા
મુકેશ અંબાણીની આગેવાની હેઠળની રિલાયન્સ ઇન્ડસ્ટ્રીઝ લિમિટેડ (RIL)નું માર્કેટ કેપ મંગળવારે રૂ. લાખ કરોડને પાર કરી ગયું હતું. આ સાથે RIL રૂ. 20 લાખ કરોડનું માર્કેટ કેપ હાંસલ કરનારી દેશની પ્રથમ કંપની બની છે. કંપનીના શેર રૂ. 2,957.80ની સર્વકાલીન ઉચ્ચ સપાટીએ પહોંચી ગયા છે. એક દિવસ પહેલા શેર 2928.95 ના સ્તરે બંધ થયો હતો. બુધવારે બજારમાં ઘટાડો થયો હોવા છતાં, રિલાયન્સના શેરમાં વધારો જોવા મળી રહ્યો છે અને તે લીલા નિશાનમાં ટ્રેડ થઈ રહ્યો છે. કંપનીનું માર્કેટ કેપ 19,85,255 કરોડ રૂપિયા થઈ ગયું છે.
5500 ટકા વળતર આપ્યું
રિલાયન્સના શેરે શરૂઆતથી લગભગ 5500 ટકા વળતર આપ્યું છે. જુલાઈ 2002માં શેરબજારમાં રિલાયન્સના શેરની કિંમત રૂ. 53.01 હતી. જો તે સમયે કોઈ રોકાણકારે શેરમાં 1 લાખ રૂપિયાનું રોકાણ કર્યું હતું તો આજે તે વધીને 54 લાખ રૂપિયાની આસપાસ થઈ ગયું છે. વર્ષ 2002માં, રિલાયન્સના 1886 શેર રૂ. 1 લાખમાં રૂ. 53.01ના દરે મળ્યા હશે. જો તે રોકાણકારે આ શેરો વેચ્યા ન હોત, તો આ 1886 શેર્સ (1886*2928.95=5,524,094) વધીને આજે લગભગ રૂ. 55 લાખ થઈ ગયા હોત.
રિલાયન્સ ઇન્ડસ્ટ્રીઝ સફળતાની સફર પર
રિલાયન્સ ઇન્ડસ્ટ્રીઝના શેર ધરાવતા રોકાણકારોને છેલ્લા કેટલાક વર્ષોમાં બમ્પર વળતર મળ્યું છે. RILનું માર્કેટ કેપ 19 વર્ષ પહેલા ઓગસ્ટ 2005માં રૂ. 1 લાખ કરોડને પાર કરી ગયું હતું. 12 વર્ષ પછી, જુલાઈ 2017 માં, કંપનીનું માર્કેટ કેપ વધીને 5 લાખ કરોડ રૂપિયા થઈ ગયું. કંપનીનું માર્કેટ કેપ 2019માં વધીને રૂ. 10 લાખ કરોડ અને 2021માં રૂ. 15 લાખ કરોડ થયું હતું. હવે ફેબ્રુઆરીમાં કંપનીનું માર્કેટ કેપ રૂ. 20 લાખ કરોડને પાર કરી ગયું છે. જોકે બાદમાં તેમાં થોડો ઘટાડો જોવા મળ્યો છે.
રિલાયન્સ ઇન્ડસ્ટ્રીઝની શરૂઆત
રિલાયન્સ ઈન્ડસ્ટ્રીઝ લિમિટેડની શરૂઆત 1973માં ધીરુભાઈ અંબાણીએ કરી હતી. તે સમયે, તેમણે 'વિમલ' બ્રાન્ડના નામથી ભારતીય કાપડ ઉદ્યોગમાં ક્રાંતિ લાવી હતી. કંપની 29 નવેમ્બર 1995ના રોજ નેશનલ સ્ટોક એક્સચેન્જ (NSE) પર લિસ્ટેડ થઈ હતી. Reliance Jio Infocomm Limited (Jio) વર્ષ 2016 માં લોન્ચ કરવામાં આવી હતી. આ ટેલિકોમ કંપનીએ સસ્તી અને હાઈ-સ્પીડ 4G સર્વિસના આધારે ભારતીય ટેલિકોમ સેક્ટરનો ચહેરો બદલી નાખ્યો.
વધુ વાંચો : શેરબજાર ખુલતાની સાથે જ ધડામ, સેન્સેક્સ-નિફ્ટી ક્રેશ, જુઓ Paytmના શેર ક્યાં જઇને અટક્યાં
દેશની ટોચની 10 કંપનીઓ
છેલ્લા બે સપ્તાહમાં જ રિલાયન્સ ઈન્ડસ્ટ્રીઝના માર્કેટ કેપમાં લગભગ 1 લાખ કરોડ રૂપિયાનો વધારો થયો છે. માર્કેટ કેપના સંદર્ભમાં, 10 મોટી કંપનીઓમાં રિલાયન્સ ઇન્ડસ્ટ્રીઝ ટોચ પર છે. માર્કેટ કેપની દ્રષ્ટિએ, RIL, TCS, HDFC બેન્ક, ICICI બેન્ક, Infosys, LIC, SBI, ભારતી એરટેલ, હિન્દુસ્તાન યુનિલિવર અને ITC પછી આગળ છે.
