સ્ટોક માર્કેટ / શેરબજાર ખુલતાની સાથે જ ધડામ, સેન્સેક્સ-નિફ્ટી ક્રેશ, જુઓ Paytmના શેર ક્યાં જઇને અટક્યાં

• 14 ફેબ્રુઆરીએ શેરબજારની શરૂઆત સારી રહી નહતી.
• સેન્સેક્સ અને નિફ્ટીમાં ભારે ઘટાડો જોવા મળ્યો. 

આજે એટલે કે 14 ફેબ્રુઆરીએ શેરબજારની શરૂઆત સારી રહી નહતી. શરૂઆતના કારોબારમાં નિફ્ટીના શેરમાં ભારે ઘટાડો થયો હતો તો તેણી સાથે સેન્સેક્સના શેર પણ લાલ નિશાની પર દેખાઈ રહ્યા હતા. 

અઠવાડિયાના ત્રીજા કારોબારી દિવસે શેરબજાર ખૂલતાની સાથે જ સેન્સેક્સ અને નિફ્ટીમાં ભારે ઘટાડો જોવ મળી રહ્યો હતો. બોમ્બે સ્ટોક એક્સચેન્જ એટલે કે BSEના 30 શેરવાળા સેન્સેક્સમાં 650 પોઈન્ટથી વધુનો ઘટાડો થયો હતો, જ્યારે નેશનલ સ્ટોક એક્સચેન્જ એટલે કે NSEનો નિફ્ટી પણ 21,600થી નીચે ગબડ્યો હતો.

RBIએ પેટીએમ પેમેન્ટ્સ બેંક પર કડક વલણ અપનાવ્યું એ બાદ પેટીએમ શેરની ખરાબ હાલત થઈ ગઈ છે. ગઇકાલે પેટીએમ શેરમાં આઠ ટકાનો ઘટાડો જોવા મળ્યો હતો અને આજે બજાર ખૂલતાની સાથે જ 9 ટકા શેર તૂટયો હતો. 

વધુ વાંચો: હાઇ રિટર્નનો દાવો કરતી કંપનીઓથી રહો સાવધાન! રોકાણકારોને SEBIની ચેતવણી

બજાર કેમ તૂટયું? 
જણાવી દઈએ કે અમેરિકામાં ફુગાવાના આંકડા અપેક્ષા મુજબ આવ્યા નથી અને આ કારણે અમેરિકન શેરબજારમાં ઘટાડો જોવા મળ્યો હતો. આ ઘટાડાની અસર ભારત સહિત એશિયન બજારો પર જોવા મળી રહી છે.