એલર્ટ! / હાઇ રિટર્નનો દાવો કરતી કંપનીઓથી રહો સાવધાન! રોકાણકારોને SEBIની ચેતવણી

• શેરબજારમાં રોકાણ સાથે SEBIના નિયમોનું પણ ખાસ ધ્યાન રાખવું પડે છે. 
• સેબી(SEBI)એ રોકાણકારોને જરૂરી ચેતવણીની સાથે સલાહ આપી. 
• SEBIએ એવી બિન-રજિસ્ટર્ડ કંપનીઓથી સાવચેત રહેવા જણાવ્યું. 

જો તમે પણ શેરબજારમાં રોકાણ કરી રહ્યા છો તો તમારે બજારની ચાલની સાથે નિયમોનું પણ ખાસ ધ્યાન રાખવું પડે છે. એવામાં શેર માર્કેટમાં રોકાણ કરતાં લોકો માટે બજાર નિયમનકાર સેબી(SEBI)એ રોકાણકારોને જરૂરી ચેતવણીની સાથે સલાહ પણ આપી છે. 

SEBIએ એવી બિન-રજિસ્ટર્ડ કંપનીઓથી સાવચેત રહેવા જણાવ્યું છે જે ગેરેન્ટીની સાથે હાઈ રિટર્નનો દાવો કરી રહી છે. આ વિશે ચેતવણી આપતા કહેવામાં આવ્યું છે કે અત્યારના સમય આવી નકલી કંપનીઓ અને ઓનલાઈન પ્લેટફોર્મની સંખ્યા ઝડપથી વધી રહી છે અને રોકાણકારોએ આનાથી દૂર રહેવાની જરૂર છે. ઉપરાંત આવી કંપનીઓ SEBIમાં રજિસ્ટર્ડ હોવાનો પણ દાવો કરે છે.  

આવા ફ્રોડથી બચવા માટે સેબીએ રોકાણકારોને માર્કેટમાં રોકાણ કરતા પહેલા દરેક કંપની રજિસ્ટર્ડ છે એક નહીં એ વિશે જાણી લેવા અપીલ કરી છે. સેબીએ કહ્યું કે આ માટે તમે સેબીની વેબસાઈટ પર દરેક માહિતી મેળવી શકો છો. વેબસાઇટ પર તમને એ કંપની વિશે દરેક ડિટેલ મળી જશે અને એ પણ જાણવા મળશે કે કંપનીએ તેની સામે શું પગલાં લીધા છે. 

વધુ વાંચો: શેરબજારમાં 2 લાખ કરોડનો ઉછાળો! આ શેરોએ રોકાણકારોને કરાવ્યા જલસા, જાણો બજારના હાલચાલ

સેબીએ રોકાણકારોને રોકાણ કરતાં સમયે સાવચેત રહેવાની સલાહ આપી છે અને કહ્યું છે કે ગેરેન્ટીની સાથે કંપની હાઈ રિટર્નનો દાવો કરી રહી છે તો તે ખોટું છે કારણ કે માર્કેટમાં નિશ્ચિત વળતરની ખાતરી આપી શકાતી નથી. હાઈ રિટર્ન સાથે લોસ થવાનું જોખમ પણ એટલું જ વધી જાય છે. ઘણી વખત આવી કંપનીઓ ખોટા દાવા કરીને લોકોને રોકાણ કરવા માટે આકર્ષે છે અને ઘણી વખત તો આ કંપનીઓ ઓનલાઈન સેબીનું ફેક રજીસ્ટર સર્ટીફીકેટ પણ બતાવે છે એટલા માટે કોઈ પણ કંપનીમાં રોકાણ કરતાં પહેલા સેબીની વેબસાઇટ પર એ વિશે જાણી લેવું જોઇએ.