કરિયર / સેન્ટ્રલ બેંકમાં SO પોસ્ટ પર ભરતી, IT વાળા માટે શાનદાર મોકો,લાસ્ટ ડેટ નજીક

જો તમે બેંકમાં નોકરી કરવા માંગતા હોવ અને IT કે ટેકનિકલ ક્ષેત્રમાં છો તો તમારા માટે મોકો આવ્યો છે. સેન્ટ્રલ બેંક ઓફ ઈન્ડિયાએ SO ભરતી 2026 હેઠળ 275 જગ્યાઓ માટે અરજીઓ મંગાવી છે. આ ભરતીમાં વિવિધ સ્કેલ (I થી IV) માં જગ્યાઓ સામેલ છે. જેમાં રસ ધરાવતા ઉમેદવારો 23 માર્ચ સુધી ફોર્મ ભરી  શકે છે.

• કયા પદો પર ભરતી?
  આ ભરતીમાં IT ઓફિસર (82), સાયબર સિક્યુરિટી (38), ડિજિટલ ચેનલ (23) અને ડેટા એન્જિનિયર (15) નો સમાવેશ થાય છે. મતલબ કે ટેકનિકલ બ્રેકગ્રાઉન્ડ ધરાવતા લોકો માટે સારો મોકો છે. આ ભરતીમાં પસંદગી બે તબક્કામાં કરવામાં આવશે. જેમાં  પ્રથમ, ઓનલાઈન લેખિત પરીક્ષા અને ત્યારબાદ ઇન્ટરવ્યૂ. જેમાં લાસ્ટ મેરિટ લિસ્ટ બંને તબક્કાના આધારે તૈયાર કરવામાં આવશે.
  
• વય મર્યાદા
  આ ભરતી માટે વય મર્યાદા પદ દ્વારા નક્કી કરવામાં આવે છે. સામાન્ય રીતે ઉમેદવારો 23 થી 45 વર્ષની વચ્ચે હોવા જોઈએ. વિવિધ જગ્યાઓ માટે વય મર્યાદા બદલાય છે. સરકારી નિયમો અનુસાર અનામત કેટેગરીના માટે વય છૂટછાટ આપવામાં આવશે.
  
  

આ ભરતી માટે અરજી કરવા માટે ઉમેદવારો પાસે BE/B.Tech, MCA, MSc, CA, કે સંબંધિત વ્યાવસાયિક ડિગ્રી હોવી જરૂરી છે. દરેક પોસ્ટ માટે પાત્રતા માપદંડ અલગ અલગ હોય છે. આથી અરજી કરતા પહેલા પોસ્ટ માટે પાત્રતા માપદંડ ચેક કરો.

આ ભરતી માટે અરજી ફી વિવિધ કેટેગરીઓ પર આધારિત છે. એમાં જનરલ, OBC અને EWS કેટેગરીના ઉમેદવારોએ 850 રૂપિયા + GST ચૂકવવા પડશે, જ્યારે SC, ST, મહિલા અને અપંગ કેટેગરીના ઉમેદવારોએ 175 રૂપિયા + GST ચૂકવવા પડશે.

વધુ વાંચો : HPCLમાં 700થી વધુ પદો પર ભરતી, મળશે શાનદાર સેલરી, જાણો વિગત

• ફોર્મ કેવી રીતે ભરવું?
  આ ભરતીમાં ફોર્મ ભરવા માટે પહેલા સેન્ટ્રલ બેંક ઓફ ઈન્ડિયાની ઓફિશિયલ વેબસાઇટની મુલાકાત લો. જેમાં કરિયર વિભાગ પર જાઓ અને SO ભરતી 2026 લિંક પર ક્લિક કરો. ત્યાર બાદ રજીસ્ટ્રેશન કરો, ફોર્મ ભરો, જરૂરી ડોક્યુમેન્ટ્સ અપલોડ કરો, ફી ચૂકવો અને ફોર્મ સબમિટ કરો.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ