સરકારી નોકરીની તૈયારીઓ કરતા લોકો માટે એક શાનદાર મોકો આવ્યો છે. કેમ કે, હિન્દુસ્તાન પેટ્રોલિયમ કોર્પોરેશન લિમિટેડે 700 થી વધુ જગ્યાઓ માટે ભરતીની જાહેરાત કરી છે. જેમાં વિવિધ ક્ષેત્રોના ઉમેદવારો ફોર્મ ભરી શકે છે.
- એજ્યુકેશનલ ક્વોલિફિકેશન
આ ભરતી પ્રક્રિયામાં વિવિધ જગ્યાઓ માટે વિવિધ લાયકાત માંગવામાં આવી છે. જેમાં ઉમેદવારો પાસે ગ્રેજ્યુએશન ડિગ્રી, એન્જિનિયરિંગ ડિગ્ર, ફુલ ટાઇમ ડિપ્લોમા, MBA, CA, CMA કે કાયદાની ડિગ્રી હોવી જરૂરી છે. અમુક જગ્યાઓ માટે ફાયર સેફ્ટીમાં ડિપ્લોમા કે સંબંધિત ક્ષેત્રમાં અનુભવ પણ જરૂરી હોઈ શકે છે.
- વય મર્યાદા
ઉમેદવારો માટે વય મર્યાદા પદ દ્વારા નક્કી કરવામાં આવ છે. સામાન્ય રીતે તે 25 થી 43 વર્ષ સુધીની રાખવામાં આવી છે. સરકારી નિયમો મુજબ વિવિધ કેટેગરીમાં ઉમેદવારોને ઉંમરમાં છૂટછાટ પણ આપવામાં આવશે.
- સિલેક્શન પ્રોસેસ
આ ભરતી પ્રક્રિયા માટે પસંદગી અનેક તબક્કામાં કરવામાં આવશે. જેમાં પહેલા લેખિત પરીક્ષા કે કમ્પ્યુટર આધારિત ટેસ્ટ (CBT) લેવામાં આવશે. ત્યાર બાદ પસંદ કરાયેલા ઉમેદવારોને ગ્રુપ ટાસ્ક અને પર્સનલ ઇન્ટરવ્યુ માટે બોલાવવામાં આવશે. આ બધા તબક્કાઓ પસાર કર્યા બાદ અંતિમ પસંદગી કરવામાં આવશે.
- સેલરી કેટલી મળશે?
HPCL માં શરૂઆતનો પગાર લગભગ 30,000 થી 2,80,000 રૂપિયા પ્રતિ માસ સુધીનો હોઈ શકે છે. મોટા અને સિનિયર હોદ્દાઓ 50 લાખ થી 60 લાખ રૂપિયા સુધીના વાર્ષિક પેકેજ મળી શકે છે. જે આ નોકરીને વધુ આકર્ષક બનાવે છે.
- ફોર્મ કેવી રીતે ભરવું?
આ ભરતીમાં અરજી કરવા માટે પહેલા HPCL ની ઓફિશિયલ વેબસાઇટની મુલાકાત લો અને કરિયર વિભાગ પર ક્લિક કરો. ત્યાર બાદ "રિક્રુટમેન્ટ ઓફ ઓફિસર્સ ફેબ્રુઆરી 2026" પર ક્લિક કરો. બાદમાં રજિસ્ટ્રેશન કરો. જ્યાં તમારી ડિટેલ ભરો, જરૂરી ડોક્યુમેન્ટ અપલોડ કરો અને અરજી ફી ચૂકવો. ફોર્મ કાળજીપૂર્વક ચેક કરીને સબમિટ કરો અને તેની પ્રિન્ટ કાઢી લો.
બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ
