ટેક્નોલોજી / આવી રહ્યો છે iPhone 18! કેમેરાથી લઇને ડિસ્પ્લે સુધી, ફિચર્સમાં થશે આ ફેરફાર

Apple એ iPhone 18 અને iPhone 18e ના લોન્ચિંગ માટે તૈયારીઓ શરૂ કરી દીધી છે. કંપનીએ ગયા સપ્ટેમ્બરમાં iPhone 18 Pro સિરીઝ રજૂ કરી હતી. તાજેતરના અહેવાલો અનુસાર, Apple આવતા વર્ષના પ્રથમ છ મહિનામાં સ્ટાન્ડર્ડ iPhone 18, iPhone 18e અને iPhone Air 2 લોન્ચ કરશે. iPhone 18 Pro ની સરખામણીમાં, સ્ટાન્ડર્ડ iPhone 18 અને iPhone 18e ઘણી ઓછી કિંમતે લોન્ચ કરવામાં આવશે.

કિંમતોની વાત કરીએ તો, એ નોંધવું યોગ્ય છે કે કંપનીએ તાજેતરમાં જ ગયા વર્ષે લોન્ચ થયેલા iPhone 17 અને iPhone 16 ની કિંમતોમાં વધારો કર્યો છે. iPhone 17 ગયા વર્ષે 82,990 રુપિયાની કિંમતે લોન્ચ કરવામાં આવ્યો હતો, અને હવે કંપનીએ તેની કિંમત વધારીને 99,900 રુપિયા કરી દીધી છે.

iPhone 18 કઇ પ્રાઇઝ સેગમેન્ટમાં લોન્ચ થશે?

હવે મોટો પ્રશ્ન એ છે કે, iPhone 18 કઈ કિંમત કેટેગરીમાં લોન્ચ થશે? મીડિયાના કેટલાક અહેવાલો અનુસાર, તેની શરૂઆતની કિંમત 1 લાખ રુપિયા થી 1.10 લાખ રુપિયાની વચ્ચે હોઈ શકે છે. જોકે, કંપનીએ હજુ સુધી તેની કિંમત અંગે ઓફિશિયલી કન્ફોર્મ કરી નથી.

આ પણ વાંચોઃ ડેટા લીકનું જોખમ ઘટશે? ભારતના 3 નવા AI મોડલ ઇન્ટરનેટ વિના પણ કરશે કામ!

iPhone 18ના સ્પેસિફિકેશન્સ

iPhone 18 ના સ્પેસિફિકેશન્સ અંગે અનેક લીક્સ સામે આવ્યા છે, જેમાં તેના ડિસ્પ્લે, પ્રોસેસર, કેમેરા અને અન્ય બાબતો વિશે દાવા કરવામાં આવ્યા છે. આવો , આ બાબતો પર વિગતવાર નજર કરીએ.

• GSMArena એ અહેવાલ આપ્યો છે કે iPhone 18 માં બે મોટા સુધારાઓ જોવા મળશે. આ સુધારાઓ યૂઝર્સ માટે નોંધપાત્ર લાભો લાવશે: બેટરી ક્ષમતામાં વધારો અને એક નવી ચિપસેટ.
• iPhone 18 માં Apple A20 ચિપસેટ હશે, જે TSMC ની 2nm મેન્યુફેક્ચરિંગ પ્રક્રિયાનો ઉપયોગ કરીને બનાવવામાં આવી છે.
• નાનું 'ડાયનેમિક આઇલેન્ડ' ફક્ત iPhone 18 Pro માં જ જોવા મળશે, જ્યારે સ્ટાન્ડર્ડ iPhone 18 માં તેનું મોટું વર્ઝન હશે. iPhone 18 માં વધુ બહેતર ડિસ્પ્લે પણ હોઈ શકે છે, જે 120Hz રિફ્રેશ રેટ પ્રદાન કરશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ