બનાસકાંઠા / ગ્રામીણ વિસ્તારોમાં રેકોર્ડ મતદાન તો શહેરી વિસ્તારમાં ઓછું, લોકોએ જણાવ્યું કારણ

આ વખતે લોકસભા ૨૦૨૪ની ચૂંટણીમાં ૨૦૧૯ની સરખામણીએ બનાસકાંઠા જીલ્લામાં ચોક્કસથી મતદાન વધારે થયું છે પરંતુ શહેરી વિસ્તારના મતદાનમાં થયેલા ઘટાડાએ લોકશાહીને ચિંતામાં મૂકી દીધી છે.. બનાસકાંઠા જિલ્લાના ગ્રામીણ વિસ્તારોમાં આ વખતે મતદારોમાં મતદાન પ્રત્યે ભારે ઉત્સાહ જોવા મળ્યો હતો.. જ્યારે શહેરી વિસ્તારમાં મતદારો મતદાનને લઈ નિરાશ જોવા મળ્યા હતા. ત્યારે મતદાનને લઈ આવેલા આ તફાવતના કારણ શું?

લોકસભા ૨૦૨૪ની ચૂંટણીમાં આ વખતે સમગ્ર ગુજરાતમાં જ્યાં ઓછું મતદાન નોંધાયું છે ત્યાં બનાસકાંઠા જિલ્લાએ બમ્પર મતદાન કર્યું છે.. પરંતુ બનાસકાંઠા જીલ્લામાં થયેલા મતદાન પર નજર કરીએ તો બનાસકાંઠા જિલ્લાના ગ્રામીણ વિસ્તારમાં મોટી સંખ્યામાં મતદારોએ મતદાન પ્રત્યે ઉત્સાહ દર્શાવ્યો છે.. જ્યારે જિલ્લાના શહેરી વિસ્તારની વાત કરીએ ડીસા અને પાલનપુરની તો આ વખતે શહેરી વિસ્તારમાં મતદાન ખૂબ જ ઓછું નોંધાયું છે.. બનાસકાંઠા જિલ્લાના ડીસા અને પાલનપુરમાં થયેલા ઓછા મતદાન અંગે લોકોનો અભિપ્રાય જાણવાનો પ્રયાસ કર્યો હતો.. ત્યારે લોકોએ શહેરી વિસ્તારમાં મતદાનની ટકાવારીમાં નોંધાયેલા ઘટાડા અંગે ગરમી અને વેકેશન અને ઉમેદવાર ને જવાબદાર ઠેરવ્યા હતા.

સાથે સાથે આ વખતે બનાસકાંઠા જીલ્લામાં ચૂંટણી મે મહિનામાં યોજાઇ હતી. અને મે મહિનામાં અસહ્ય ગરમી પાડવા ઉપરાંત વેકેશનનો સમય હોવાના લીધે લોકો હરવા ફરવા માટે બહાર ગામ ગયા હોવાના લીધે મતદાન ઓછું થયું હોવાનું પણ લોકો જણાવી રહ્યા છે. બીજી તરફ સામાન્ય રીતે નગરપાલિકા વિધાનસભા અને સરપંચની ચૂંટણીઓમાં શહેરી વિસ્તારના લોકોમાં એક ઉમંગ હોય છે કારણ કે તે ચૂંટણીઓમાં જે પણ ઉમેદવાર ચૂંટણી લડતા હોય છે તે લોકોને ડોર ટુ ડોર મુલાકાત કરતા હોય છે. પરંતુ લોકસભાની ચૂંટણીમાં વિસ્તાર મોટો હોવાના કારણે લોકો સુધી ઉમેદવાર પહોંચી શકતા નથી જેના કારણે પણ ડીસા શહેરી વિસ્તારનું આ વખતે મતદાન ઘટ્યું છે.

શહેરી વિસ્તારમાં મતદાનની ટકાવારીમાં નોંધપાત્ર ઘટાડો નોંધાયો

બનાસકાંઠા જીલ્લામાં શહેરી વિસ્તારમાં મતદાનની ટકાવારીમાં નોંધપાત્ર ઘટાડો નોંધાયો હોવા છતાં બનાસકાંઠા જિલ્લાનું મતદાન ખૂબ જ મોટી માત્રામાં થયું છે અને તેની પાછળ ગ્રામીણ વિસ્તારનું મતદાન જવાબદાર છે.. બનાસકાંઠા જિલ્લાના થરાદ તાલુકામાં તો લગભગ ૮૦ ટકા જેટલું મતદાન નોંધાયું છે.. ત્યારે ધોમધખતા તાપમાં પણ થરાદના મતદારોએ જે ઉત્સાહ દર્શાવ્યો છે તે ઉત્સાહનું કારણ જાણવા માટેનો અમે પ્રયાસ કર્યો ત્યારે જાણવા મળ્યું કે ગુજરાત વિધાનસભાના અધ્યક્ષ દ્વારા થરાદમાં જે ગામમાં વધુને વધુ મતદાન કરવામાં આવશે તેવા ત્રણ ગામોને અનુક્રમે ૨૫ લાખ, ૧૫ લાખ અને ૧૦ લાખની વિશેષ ગ્રાન્ટ આપવાની જાહેરાત કરી હતી.. અને આ જાહેરાતને પગલે થરાદના ગામડાઓમાં સહુથી વધુ મતદાન કરવા માટેની હરીફાઈ લાગી હતી..

ગ્રામીણ વિસ્તારમાં મતદાનની ટકાવારીમાં મોટી સંખ્યામાં વધારો નોંધાયો

બનાસકાંઠા જિલ્લાના શહેરી વિસ્તારના મતદાનને બાદ કરતાં ગ્રામીણ વિસ્તારમાં મતદાનની ટકાવારીમાં મોટી સંખ્યામાં વધારો નોંધાયો છે. કારણ કે બનાસકાંઠા જિલ્લો એ સૌથી વધુ ખેડૂતો અને પશુપાલકો મતદારો છે અને બનાસકાંઠા જિલ્લામાં તાલુકા વાઇસ પશુપાલકોને ડેરી બનાવી આપવામાં આવી છે જેના કારણે દર વખતે શહેરી વિસ્તાર કરતાં ગ્રામીણ વિસ્તારોમાં મતદાન પધાર થાય છે ત્યારે આ વખતે પણ વિવિધ વિકાસના મુદ્દાઓને લઈને અસહ્ય ગરમી હોવા છતાં પણ ગ્રામીણ વિસ્તારોમાં મતદાન નું પ્રમાણ વધ્યું હતું. ત્યારે મતદાનની ટકાવારીમાં થયેલો વધારો કોને ફાયદો કરાવશે અને કોને નુકશાન તે તો આગામી ચોથી જૂનના ખ્યાલ આવશે.

વધુ વાંચોઃ તાલુકો જાહેર થયા બાદ પણ પ્રાથમિક સુવિધાનો અભાવ, રોડથી લઈને પાણીની સમસ્યાથી લોકો પરેશાન

બનાસકાંઠા જિલ્લામાં થયેલ મતદાન

ડીસા....65.65

પાલનપુર....63.26

વાવ...69.49

થરાદ....78.67

ધાનેરા....67.66

દિયોદર....71.06

દાંતા...71.54

કુલ મતદાન....69.41

આમ બનાસકાંઠા જિલ્લામાં સૌથી વધુ મતદાન થરાદમાં થયું છે જ્યારે સૌથી ઓછું મતદાન પાલનપુરમાં થયું છે