Politics / અમેરિકા,કેનેડા સહિત આ દેશોમાંથી AAPને મળ્યું કરોડોનું ગેરકાયદે ફંડિંગ, EDના રિપોર્ટમાં ધડાકો'

EDએ આમ આદમી પાર્ટીના વિદેશી ફંડિંગ સંબંધિત રિપોર્ટ ગૃહ મંત્રાલયને સોંપી દીધો છે. અહેવાલ છે કે આમ આદમી પાર્ટીને સંયુક્ત રાષ્ટ્ર અમેરિકા, કેનેડા, ઓસ્ટ્રેલિયા, ન્યુઝીલેન્ડ, સાઉદી અરેબિયા, યુનાઇટેડ આરબ અમીરાત, કુવૈત, ઓમાન અને અન્ય દેશોમાંથી ઘણા દાતાઓ પાસેથી ફંડ મળ્યું છે. વિવિધ દાતાઓ દ્વારા ફંડ ટ્રાન્સફર કરવા માટે એક જ પાસપોર્ટ નંબર, ક્રેડિટ કાર્ડ, ઈમેલ આઈડી અને મોબાઈલ નંબરનો ઉપયોગ કરવામાં આવ્યો છે.

દિલ્હીના શરાબ નીતિ કૌભાંડમાં ફસાયેલી આમ આદમી પાર્ટીની મુશ્કેલીઓ ઓછી થવાના કોઈ સંકેત દેખાઈ રહ્યા નથી. કોર્ટમાં પહેલાથી જ ચાલી રહેલા કેસ વચ્ચે હવે EDએ આમ આદમી પાર્ટીના વિદેશી ફંડને લઈને મોટો ખુલાસો કર્યો છે. માહિતી અનુસાર EDએ કેન્દ્રીય ગૃહ મંત્રાલયને જણાવ્યું છે કે AAPને 2014-2022 દરમિયાન 7.08 કરોડ રૂપિયાનું વિદેશી ફંડ મળ્યું છે. તપાસ એજન્સીએ પક્ષ પર આ વિદેશી ફંડ મેળવીને FCRA, RPA અને IPCનું ઉલ્લંઘન કરવાનો આરોપ લગાવ્યો છે. આ ભંડોળ મેળવવા માટે EDએ તેના રિપોર્ટમાં વિદેશી દાતાઓની ઓળખ અને રાષ્ટ્રીયતા તેમજ અન્ય ઘણા તથ્યો છુપાવવા જેવા આક્ષેપો કર્યા છે.

EDએ કહ્યું કે આમ આદમી પાર્ટીને અમેરિકા, કેનેડા, ઓસ્ટ્રેલિયા, ન્યુઝીલેન્ડ, સાઉદી અરેબિયા, સંયુક્ત આરબ અમીરાત, કુવૈત, ઓમાન અને અન્ય દેશોમાંથી ઘણા દાતાઓ પાસેથી ધન મળ્યું છે. વિવિધ દાતાઓ દ્વારા ફંડ ટ્રાન્સફર કરવા માટે એક જ પાસપોર્ટ નંબર, ક્રેડિટ કાર્ડ, ઈમેલ આઈડી અને મોબાઈલ નંબરનો ઉપયોગ કરવામાં આવ્યો છે.

તેની તપાસમાં EDએ AAP અને તેના નેતાઓ દ્વારા વિદેશી ભંડોળ એકત્ર કરવામાં અનિયમિતતાના ઘણા કેસોનો ઉલ્લેખ કર્યો છે. જેમાં પક્ષના ધારાસભ્ય દુર્ગેશ પાઠક સહિત ઘણા નેતાઓ પર 2016માં કેનેડામાં ફંડ એકત્રીકરણ કાર્યક્રમમાંથી એકત્ર કરાયેલા નાણાંનો અંગત લાભ માટે દુરુપયોગ કરવાનો આરોપ છે. ઉપરાંત, અનિકેત સક્સેના (AAP ઓવરસીઝ ઈન્ડિયાના સંયોજક), કુમાર વિશ્વાસ (તત્કાલીન AAP ઓવરસીઝ ઈન્ડિયાના કન્વીનર), કપિલ ભારદ્વાજ (AAP સભ્ય) અને પાઠક સહિત વિવિધ AAP સ્વયંસેવકો અને પદાધિકારીઓ વચ્ચે મોકલવામાં આવેલી ઈ-મેલ અને સામગ્રી દ્વારા પુષ્ટી થઇ છે.

અત્યાર સુધીની તપાસમાં જાણવા મળ્યું છે કે યુનાઇટેડ સ્ટેટ્સ અને કેનેડામાં ફંડ એકત્રીકરણ ઝુંબેશ દ્વારા માત્ર નાણા એકત્ર કરવામાં આવ્યા હતા, પરંતુ AAPએ વિદેશી ભંડોળ પર FCRA હેઠળ લાદવામાં આવેલા નિયંત્રણોથી બચવા માટે એકાઉન્ટ્સ બુકમાં સાચા દાતાઓના નામ પણ છુપાવ્યા હતા.

EDએ તેની તપાસ સાથે જોડાયેલી તમામ માહિતી કેન્દ્રીય ગૃહ મંત્રાલયને દાતાઓની વિગતો સાથે શેર કરી છે. જેમ કે ભંડોળ આપનારનું નામ, દાતાનો દેશ, પાસપોર્ટ નંબર, દાન કરેલી રકમ, દાનની પદ્ધતિ અને પ્રાપ્તકર્તાનો બેંક એકાઉન્ટ નંબર, બિલિંગ નામ, બિલિંગ સરનામું, બિલિંગ ટેલિફોન નંબર, બિલિંગ ઈમેલ, દાનનો સમય અને તારીખ અને ચુકવણી માટે ઉપયોગમાં લેવાતા ગેટવે વગેરે. પીએમએલએ, 2002 હેઠળ તપાસ દરમિયાન એકત્રિત કરવામાં આવ્યા છે. એજન્સીએ કેનેડિયન નાગરિકોના ઈ-મેલ આઈડી અને મોબાઈલ નંબર દ્વારા દાન સંબંધિત પુરાવા પણ એકત્રિત કર્યા છે.

આ પણ વાંચોઃએકસાથે 18 લાખ સિમકાર્ડ થઇ જશે બંધ! સરકારે તૈયાર કર્યો 15 દિવસનો એક્શન પ્લાન

ડ્રગ્સ તસ્કરી સાથે જોડાયેલ કેસનો ઉલ્લેખ

EDએ તેના અહેવાલમાં જણાવ્યું હતું કે AAP દ્વારા વિદેશી ભંડોળ મેળવવામાં FCRA ઉલ્લંઘન અને અન્ય અનિયમિતતાઓ પાકિસ્તાનથી ભારતમાં હેરોઈનની દાણચોરીમાં સામેલ આંતરરાષ્ટ્રીય ડ્રગ્સ કાર્ટેલ વિરુદ્ધ પંજાબના ફાઝિલ્કા જિલ્લામાં નોંધાયેલા કેસની તપાસ દરમિયાન પ્રકાશમાં આવી છે. આ સંદર્ભમાં ફાઝિલ્કાની વિશેષ અદાલતે પંજાબના ભોલાથના તત્કાલિન AAP ધારાસભ્ય સુખપાલસિંહ ખૈરાને આરોપી તરીકે સમન્સ જારી કર્યા હતા. પીએમએલએ હેઠળ ED દ્વારા તપાસ દરમિયાન ખૈરા અને તેના સહયોગીઓના રહેણાંકમાં સર્ચ કરવામાં આવ્યું હતું, અને વિદેશી ભંડોળની વિગતો ધરાવતા ગુનાહિત દસ્તાવેજો જપ્ત કરવામાં આવ્યા હતા.