બોલિવુડ / શ્રીનગરના રસ્તા પર પોલીસની વર્દીમાં એક્શન કરતા નજરે પડ્યો અજય દેવગણ, સિંઘમ અગેઇનના શૂટ્સનો વીડિયો વાયરલ

રોહિત શેટ્ટીની મોસ્ટ અવેટેડ ફિલ્મ 'સિંઘમ અગેન' આ દિવસોમાં ચર્ચામાં છે અને ફિલ્મનું શૂટિંગ પૂરજોશમાં ચાલી રહ્યું છે. આ દરમિયાન ફિલ્મના સેટ પરથી કેટલીક તસવીરો અને વીડિયો લીક થયા છે. આ વીડિયો રિલીઝ થયા બાદ ફેન્સ ફિલ્મને લઈને ખૂબ જ ઉત્સાહિત થઈ રહ્યા છે.

અજય દેવગનના શૂટિંગનો એક વીડિયો સોશિયલ મીડિયા પર લીક થયા બાદ વાયરલ થઈ રહ્યો છે. માહિતી અનુસાર રોહિત શેટ્ટી અને તેની ટીમ થોડા સમય પહેલા શૂટિંગ માટે કાશ્મીર પહોંચી હતી. ફિલ્મના છેલ્લા શેડ્યૂલનું શૂટિંગ અહીં ચાલી રહ્યું છે. વિડીયોમાં જોવા મળ્યું કે ફિલ્મનું શૂટિંગ શહેરના આંતરિક વિસ્તારોના કેટલાક ચોક્કસ વિસ્તારોમાં કડક સુરક્ષા હેઠળ થઈ રહ્યું છે.

કાશ્મીરમાં ચાલી રહેલા ફિલ્મના શૂટિંગની તસવીરો લીક થઈ છે જેમાં જેકી શ્રોફ અજય દેવગન સાથે જોવા મળી રહ્યો છે અને એમને એક્શન સીન્સ શૂટ કરતા જોઈ શકાય છે. લીક થયેલા વિડીયોમાં અજય દેવગન જેકી શ્રોફ સાથે ફાઈટ સીક્વન્સ શૂટ કરતો જોઈ શકાય છે. આ સિવાય સેટ પરથી ઘણી તસવીરો અને વીડિયો સોશિયલ મીડિયા પર વાયરલ થઈ રહ્યા છે, જેમાં અજય દેવગન પોલીસની વર્દી પહેરેલો જોવા મળે છે.

'સિંઘમ અગેન' એ રોહિત શેટ્ટીના કોપ યુનિવર્સનો પાંચમો ભાગ છે, જેમાં રણવીર સિંહની 2018ની 'સિમ્બા' અને 2021ની અક્ષય કુમાર અભિનીત 'સૂર્યવંશી'નો પણ સમાવેશ થાય છે. 'સિંઘમ અગેન' એ 'સિંઘમ' સિરીઝની ત્રીજી ફિલ્મ છે જેમાં અજય દેવગન મુખ્ય ભૂમિકામાં છે, જેની શરૂઆત 2011ની 'સિંઘમ'થી થઈ હતી. ત્યારબાદ 2014માં અજય દેવગન 'સિંઘમ રિટર્ન્સ' સાથે પરત ફર્યો હતો. તે જ સમયે, હવે તે 'સિંઘમ અગેન' દ્વારા દર્શકોનું મનોરંજન કરવા માટે તૈયાર છે.

વધુ વાંચો: ભારતની નાગરિકતા મળ્યા બાદ અક્ષય કુમારે કર્યું પ્રથમ મતદાન, કરી જનતાને અપીલ

આ ફિલ્મમાં મોટા કલાકારોની આખી ફોજ સામેલ છે. રણવીર સિંહ, અક્ષય કુમાર, કરીના કપૂર ખાન, ટાઈગર શ્રોફ, દીપિકા પાદુકોણ અને શ્વેતા તિવારી જોવા મળશે. આ ફિલ્મમાં અર્જુન કપૂર વિલનની ભૂમિકામાં જોવા મળશે. રિપોર્ટ અનુસાર આ ફિલ્મ 15મી ઓગસ્ટે રિલીઝ થઈ રહી છે.