રેસિપિ / ગણેશજીને ભોગમાં ચઢાવો ઘરે બનાવેલા આ પરંપરાગત લાડુ, વિધ્નહર્તા હરશે દુઃખ

• ઘરે બનાવી લો પરંપરાગત લાડુ
• ગણેશજીને પ્રિય છે આ ખાસ ભોગ
• જાણો કેસર -બુંદીના લાડુ બનાવવાની રીત

કેસર-બુંદીના લાડુ

સામગ્રી

-500 ગ્રામ ચણાનો લોટ 
-1 કિલો ખાંડ
-2 ચમચી ઈલાયચીનો ભૂકો 
-100 ગ્રામ સુકોમેવો
-1 ચપટી કેસર

રીત

સૌપ્રથમ ચણાના લોટમાં એક ચમચો ઘીનું મોણ નાખીને તેનું બુંદી બને તેવું પાણી નાખી ખીરું બનાવી લો. 3 થી 4 કલાક રાખી મૂકો. ખાંડની ચાસણી બનાવી તેમાં કેસર નાખીને મૂકી રાખો. હવે એક કઢાઈમાં ઘી ગરમ કરવા મુકો. હવે એક ઝારો લો, તેમાં ધીરે ધીરે ખીરું નાખીને બુંદી પાડો. બુંદી તળાઈને ઉપર આવે કે તેને સારી રીતે ઘી નીતારીને કાઢી લો. આ રીતે બધી બુંદી પાડી લો. હવે આ બુંદીને ચાસણીમાં નાખો. થોડો સમય રાખી મુકો. બુંદીમાં ચાસણી સારી રીતે મિક્સ થયા પછી તેમાં સુકામેવાના ટુકડા નાખીને મિક્સ કરો. હવે આ મિશ્રણના નાનાં-નાનાં લાડું બનાવી લો.