- રવિન્દ્ર જાડેજાના પિતાએ દીકરા-વહુ પર ઘણા ગંભીર આરોપ લગાવ્યા હતા.
- જાડેજાએ પત્ની રીવાબાને ખુલ્લેઆમ સમર્થન આપ્યું હતું
- રવિન્દ્ર જાડેજા અને રીવાબાની લવસ્ટોરી પણ ઘણી રસપ્રદ છે.
ભારતીય ક્રિકેટર રવિન્દ્ર જાડેજાના પિતા અનિરુદ્ધ સિંહે દીકરા પર ઘણા ગંભીર આરોપ લગાવ્યા હતા. તેના જવાબમાં રવીન્દ્ર જાડેજાએ સોશિયલ મીડિયા પર પોસ્ટ કરીને ખુલાસો પણ કર્યો હતો. પિતા અનિરુદ્ધનું કહેવું છે કે 'રવિન્દ્ર અને તેની પત્ની રીવાબા સાથે તેને કોઈ સંબંધ નથી.'
જાડેજાએ પત્ની રીવાબાને ખુલ્લેઆમ સમર્થન આપ્યું
પિતાનો આ ઈન્ટરવ્યુ વાયરલ થતા જ જાડેજા પણ સામે આવ્યો હતો. જાડેજાએ પત્ની રીવાબાને ખુલ્લેઆમ સમર્થન આપ્યું હતું. રવિન્દ્ર જાડેજાએ ખુલાસો રજૂ કરતાં કહ્યું કે, 'ઈન્ટરવ્યુમાં પ્રકાશિત તમામ વાતો અર્થહિન અને અસત્ય છે, મારી પાસે પણ ઘણી એવી વાતો છે પણ મારે એ વાતો લોકો સામે નથી કહેવી.'
રવિન્દ્ર જાડેજા અને રીવાબાની લવસ્ટોરી
જાણીતું છે કે જાડેજા અને રીવાબા હંમેશા એકબીજાને સપોર્ટ કરતાં રહે છે પરંતુ શું તમે જાણો છો કે આ કપલ એકબીજાને કેવી રીતે મળ્યા હતા? રવિન્દ્ર જાડેજા અને રીવાબાની લવસ્ટોરી પણ ઘણી રસપ્રદ છે. ચાલો તેના વિશે જાણીએ..
રીવાબા અને જાડેજાની બહેન નયનાબા ખૂબ જ સારી મિત્ર હતી
રવિન્દ્ર જાડેજા અને રીવાબાની પહેલી મુલાકાત એક પાર્ટી દરમિયાન થઈ હતી. રીવાબા અને રવિન્દ્ર જાડેજાની બહેન નયનાબા ખૂબ જ સારી મિત્ર હતી. એક પાર્ટીમાં મળ્યા બાદ બંને સારા મિત્રો બની ગયા હતા. આ પછી બંને એકબીજાને ડેટ કરવા લાગ્યા. થોડા સમય માટે એકબીજાને ડેટ કર્યા પછી, તેઓએ 5 ફેબ્રુઆરી, 2016 ના રોજ સગાઈ કરીને તેમના સંબંધો પર મહોર લગાવી હતી.
સગાઈના થોડા દિવસો બાદ જાડેજાએ એપ્રિલ 2016માં રીવાબા સાથે લગ્ન કર્યા હતા. લગ્નના એક વર્ષ બાદ જ રવિન્દ્ર જાડેજા પિતા બન્યો હતો. આ દંપતીને એક બાળકી છે. જણાવી દઈએ કે રીવાબાએ મિકેનિકલ એન્જિનિયરિંગ કર્યું છે અને રીવાબા ક્રિકેટના શોખીન છે. રીવાબા હાલ ભાજપ સાથે જોડાયેલ છે.
વધુ વાંચો: 'દીકરાને ન પરણાવ્યો હોત તો સારું હતું', પિતાએ વેદના પ્રગટ કરતા ક્રિકેટર રવિન્દ્રસિંહ જાડેજાની સ્પષ્ટતા, આપ્યો ચોંકાવનારો જવાબ
રાજપૂત પરિવારના લગ્ન ગોળીબાર વિના અધૂરા
રવિન્દ્ર જાડેજા રાજપૂત પરિવારમાંથી આવે છે અને કહેવાય છે કે રાજપૂત પરિવારના લગ્ન ગોળીબાર વિના અધૂરા છે. રવિન્દ્રના લગ્નમાં પણ આવું જ બન્યું હતું અને લગ્ન સમયે હવામાં ગોળીબાર કરવામાં આવ્યું હતું, જેના કારણે પોલીસ બોલાવવી પડી હતી.
