રાજકોટ / ભાજપના ધારાસભ્ય રમેશ ટીલાળાને આવ્યો હાર્ટઍટેક: લગ્ન પ્રસંગમાં અચાનક જ બગડી હતી તબિયત, જાણો હવે કેવી છે હેલ્થ

• રાજકોટ દક્ષિણના ધારાસભ્યને આવ્યો હાર્ટ એટેક
• રમેશ ટીલાળાને હળવો હાર્ટ એટેક આવ્યો
• સારવાર ચાલી રહી છે તેમજ અત્યારે તબિયત સ્થિર છે 

ગુજરાતમાં નાની વયે હાર્ટ અટેકના કેસ સતત વધી રહ્યાં છે. હાર્ટ અટેકના કિસ્સાઓએ ચિંતામાં વધારો કર્યો છે. કોરોના પછી ખાસ કરીને યુવાનોમાં હાર્ટ એટેકથી મોતનું પ્રમાણ ચિંતાજનક રીતે વધી ગયું છે. આ મામલે જુદા-જુદા તબીબો અલગ-અલગ કારણો આપી રહ્યા છે. આમ છતાં અચાનક યુવાનોમાં હાર્ટ એટેકનું પ્રમાણ કેમ વધી ગયું છે તેની પાછળનું કોઈ ચોક્કસ કારણ હજુ સુધી બહાર આવ્યું નથી. અત્રે જણાવીએ કે, રાજકોટ દક્ષિણના ભાજપ ધારાસભ્ય રમેશ ટીલાળાને હળવો હાર્ટ એટેક આવ્યો છે.

રાજકોટ દક્ષિણના ધારાસભ્ય રમેશ ટીલાળાને આવ્યો હાર્ટઍટેક: એક લગ્નપ્રસંગમાં અચાનક જ લથડી હતી તબિયત, હાલ તબિયત સ્થિર#Rajkot #RameshTilala #HeartAttack #vtvgujarati pic.twitter.com/bFJEIF7iXp

— VTV Gujarati News and Beyond (@VtvGujarati) November 30, 2023

હળવો હાર્ટએટેક આવ્યો 
પાપ્ત માહિતી મુજબ જણાવીએ કે, ગઈકાલે રાત્રે ધારાસભ્ય રમેશ ટીલાળા એક લગ્ન કાર્યક્રમમાં હાજરી આપવા ગયા હતા, તે સમય અચાનક તેમની તબિયત લથડી હતી. આ સમય દરમિયાન તેમને હોસ્પિટલ લઈ જવામાં આવ્યા હતા અને તેમનું મેડિકલ ચેકઅપ કરતા જાણવા મળ્યું હતું કે, ધારાસભ્યને હળવો હાર્ટએટેક આવ્યો છે. અત્રે જણાવીએ કે, ધારાસભ્ય રમેશ ટીલાળાની તબિયત અત્યારે સ્થિર છે તેમજ અત્યારે તેમની સારાવાર ચાલી રહી છે. 

હાર્ટ એટેક આવવાના કારણો શું છે  
1. કામનું પ્રેશર  
આજના સમયમાં યુવાનો કામનું એટલું દબાણ લે છે કે આ પણ નાની ઉંમરમાં હાર્ટ એટેકનું કારણ બની શકે છે. આખો સમય કોમ્પ્યુટર કે ફોન પર કામમાં વ્યસ્ત રહેવું અને આહાર અને કસરતને અવગણવાથી હૃદયરોગનું જોખમ વધી શકે છે. 

2. ધૂમ્રપાન અથવા આલ્કોહોલ
કામના દબાણ અને તણાવને ઘટાડવા માટે આજના યુવાનો ઘણીવાર ધૂમ્રપાન અથવા દારૂ પીવા તરફ આકર્ષાય છે. આ બંને વસ્તુઓ સ્વાસ્થ્ય માટે હાનિકારક તો છે જ પરંતુ હાર્ટ એટેકનું મોટું કારણ પણ બની શકે છે.

3. સ્થૂળતા
વધુ પડતી સ્થૂળતા શરીર માટે ઘાતક સાબિત થઈ શકે છે. આજના સમયમાં યુવાનોમાં જંક ફૂડ ખાવાની આદત છે. કસરતનો અભાવ, સ્ટ્રેસ, આ બધી બાબતો તેમને સ્થૂળતા તરફ લઈ જઈ શકે છે અને વધુ પડતી સ્થૂળતા હાર્ટ એટેકનું કારણ બની શકે છે. 

4. જંક અને ફાસ્ટ ફૂડ
આપણી ખરાબ જીવનશૈલી અને બિનઆરોગ્યપ્રદ આહારની આદતો આપણા આખા શરીર પર નકારાત્મક અસર કરે છે. યુવાનોમાં એવું જોવા મળે છે કે ફળો, શાકભાજી અને અનાજને બદલે તેઓ જંક ફૂડ, પેક્ડ ફૂડ અથવા રેડી ટુ ઈટ ફૂડ (ફાસ્ટ ફૂડ) પર વધુ આધાર રાખે છે. આ ખોરાક આપણા શરીરને ઘણી રીતે નુકસાન પહોંચાડી શકે છે અને તેની સીધી અસર આપણા હૃદય પર પડી શકે છે.

5. તણાવ 
યુવાનોમાં હાર્ટ એટેકનું સૌથી સામાન્ય કારણ તણાવ છે. તણાવ શરીરને ઘણી રીતે અસર કરી શકે છે. તે હૃદયના ધબકારા પર અસર કરી શકે છે અને હાર્ટ એટેકનું કારણ બની શકે છે.