રાજકોટ / VIDEO : PM મોદી માટે બનાવી વિશાળ અને અનોખી પાઘડી, જાણો ખાસિયત

રાજકોટમાં આંટીવાળી પાઘડી બનાવતા એક કારીગરે વડાપ્રધાન નરેન્દ્ર મોદી માટે ખાસ પ્રકારની આંટીવાળી પાઘડી બનાવી છે.. રાજકોટના બજરંગવાડી વિસ્તારમાં સંજયરાજ પાઘડી નામથી પાઘડીની પ્રખ્યાત દુકાન છે.. દુકાનદાર સંજયભાઈ જેઠવાએ આ વિશાળ અને અનોખી પાઘડી બનાવી છે..

પાઘડીની ખાસિયતની વાત કરીએ તો, પીએમની ઉંમર 75 વર્ષ હોવાથી આ પાઘડીમાં 75 મીટર કાપડનો ઉપયોગ કરવામાં આવ્યો છે.. PMના શાસનકાળને 10 વર્ષ થયાં હોવાથી પાઘડીની પહોળાઈ 10 ફૂટ જેટલી રાખવામાં આવી છે.. PM મોદી ભારતના 16મા વડાપ્રધાન હોવાથી પાઘડીની ઊંચાઈ 16 ઇંચની રાખવામાં આવી છે.. વડાપ્રધાન માટે બનાવવામાં આવેલી આ ખાસ પાઘડીનું વજન 25 કિલો છે..

આ પણ વાંચોઃ એક પાયલોટનું મોત, બીજાની ચાલી રહી છે સારવાર, જામનગર વિમાન દુર્ઘટના પર વાયુસેનાની આવી પ્રતિક્રિયા

સંજયભાઈ છેલ્લા 10 વર્ષથી પાઘડી બનાવવાની કારીગરી ધરાવે છે.. સંજયભાઈએ 5 કારીગરો સાથે મળીને સતત 5 દિવસ સુધી મહેનત કરીને આ પાઘડી તૈયાર કરી છે.. સંજયભાઈ આ પાઘડીને વડાપ્રધાન મોદીને ભેટમાં આપવાની ઈચ્છા ધરાવે છે..

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ