ભાવનગર / VIDEO : 'રાક્ષસ આવી જાય તો આખા સમાજને ધુણાવી નાખે', ડાયરામાં નકલી દારૂકાંડ મામલે બોલ્યાં રાજભા ગઢવી

લોકસાહિત્યકાર રાજભા ગઢવીએ ભાવનગરના સિહોરના ડાયરામાં નકલી દારુકાંડ મામલે એક નિવેદન આપ્યું હતું જે ભારે ચર્ચામાં આવ્યું હતું. રાજભા ગઢવીએ કહ્યું કે ''ઘણાં ગામમાં એવાં રામ આવ્યા છે કે આખા ગામમાં વ્યસન, ગુટખા, માવા વેચવાનું બંધ કરી દીધું, આને રામ આવ્યા કહેવાય. અને ખબર નહીં રાક્ષસ ક્યાંથી ઘરી ગયા કે ધૂણાવી નાખ્યું, એવું રૂડું ભાવનગરનું નામ અને આપણને આમ અંદરથી બળતરા થાય, કે આ પરંપરા છે આપણી. 100 વર્ષ જીવતા, ત્યાંથી 60 એ પહોંચી ગયા, એમાંય પાછો નશો કરવો, આ કરવું ને તે કરવું.'

રાક્ષસ આવી જાય તો આખા સમાજને ધુણાવી નાખે

રાજભા ગઢવીએ કહ્યું કે રાક્ષસ આવી જાય તો આખા સમાજને ધુણાવી નાખે છે. ઉલ્લેખનીય છે કે નશામુક્તિની વાતો વચ્ચે રાજભા ગઢવીનું દારૂકાંડ પર નિવેદન ચર્ચામાં આવ્યું છે.

વધુ વાંચો : સ્પા-કૂટણખાનામાંથી પકડાયેલા ગ્રાહક સામે કેસ ન કરી શકાય- ગુજરાત HCનો મોટો ચુકાદો

શું હતો ભાવનગર નકલી દારુકાંડ?

ઉલ્લેખનીય છે કે ભાવનગરના વરતેજમાં થયેલા નકલી દારુકાંડમાં 13થી વધુ લોકોના મોત થયા હતા. ભાવનગર નકલી દારૂકાંડની ગંભીરતાનો અંદાજ એ વાત પરથી લગાવી શકાય છે કે આ લઠ્ઠાકાંડમાં અત્યાર સુધીમાં કુલ 61 જેટલા લોકોની તબીયત લથડી છે. હાલ હોસ્પિટલમાં સારવાર લઈ રહેલા દર્દીઓમાંથી 10 લોકોની સ્થિતિ અત્યંત નાજુક અને ગંભીર જણાવવામાં આવી રહી છે, જેને પગલે તબીબોની ટીમ દ્વારા તેમના પર સતત દેખરેખ રાખવામાં આવી રહી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ