તેલંગાણા / VIDEO : હૈદરાબાદમાં રાહુલ ગાંધીની બાઈક રાઈડ, ગિગ વર્કર્સ સાથે પાછળની સીટ પર બેઠા

તેલંગાણા ગિગ વર્કર્સ સોશિયલ સિક્યુરિટી અને વેલ્ફેર સ્કીમના લોન્ચ પહેલા, કોંગ્રેસ નેતા રાહુલ ગાંધીએ શનિવારે હૈદરાબાદમાં ગિગ વર્કર્સ સાથે બાઇક રેલીમાં ભાગ લીધો હતો. આ કાર્યકર્તાઓની રેલીમાં રાહુલ ગાંધી સાથે તેલંગાણાના મુખ્યમંત્રી એ. રેવંત રેડ્ડી અને અન્ય કોંગ્રેસ નેતાઓ પણ જોડાયા હતા. રેલી દરમિયાન રાહુલ ગાંધી અને રેવંત રેડ્ડી સ્કૂટર પર પાછળ બેઠા હતા. આ રેલી શહેરના આઇટી કોરિડોરમાં સ્થિત શિલ્પારામમ સરકારી ઓડિટોરિયમથી શરૂ થઈ હતી અને માધાપુરના જયભેરી ગ્રાઉન્ડ પર સમાપ્ત થઈ હતી.

Rahul Gandhi and Chief Minister Revanth Anna took part in a bike rally with gig workers from Shilparamam to Jayabheri Ground. https://t.co/rWTRAgkuBW

— RevanthVoiceofPeople (@Revanthvoice) November 14, 2026

રાહુલ ગાંધી ગીગ કાર્યકરો સાથે રેલીમાં જોડાયા

ગિગ વર્કર્સ સોશિયલ સિક્યુરિટી એન્ડ વેલ્ફેર સ્કીમના લોન્ચિંગ પ્રસંગે ગિગ વર્કર્સને સંબોધતા, કોંગ્રેસ નેતા રાહુલ ગાંધીએ કહ્યું કે કોંગ્રેસ સરકાર તેમની ચિંતાઓને દૂર કરવા માટે પગલાં લેવાના પોતાના વચનને પૂર્ણ કરી રહી છે.

આ પણ વાંચોઃ ડિજિટલ ફ્રોડ પર સુપ્રીમ કોર્ટ સખ્ત: WhatsAppથી બેન્કો સુધી સુપ્રીમ કોર્ટનો એક્શન પ્લાન

રાહુલ ગાંધીએ શું કહ્યું?

રાહુલ ગાંધીએ કહ્યું, "મેં તેલંગાણાના ગિગ કાર્યકરો સાથે મુલાકાત કરી હતી. તમે મારી સાથે તમારા દુ:ખ અને પીડા શેર કરી હતી. તે સમયે, મેં કહ્યું હતું કે કોંગ્રેસ પાર્ટી, અમારા મુખ્યમંત્રી અને અમે બધાએ તમને વચન આપ્યું હતું કે અમે તમારી માંગણીઓ પર કાર્ય કરીશું અને તમને મદદ અને રક્ષણ આપવા માટે શક્ય તેટલું બધું કરીશું. આજે, અમે તે વચન પૂર્ણ કરી રહ્યા છીએ. તેલંગાણા સરકારે માર્ચમાં તેલંગાણા પ્લેટફોર્મ-આધારિત ગિગ વર્કર્સ (નોંધણી, સામાજિક સુરક્ષા અને કલ્યાણ) બિલ, 2026 રજૂ કર્યું. રાહુલ ગાંધીએ તેમની "ભારત જોડો યાત્રા" દરમિયાન ગિગ વર્કર્સની ચિંતાઓ ઉઠાવ્યા પછી આ કાયદો બનાવવામાં આવ્યો.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ