અકસ્માત / ગીરના જંગલમાં ટ્રેનની અડફેટે આવતાં સિંહણનું મોત, મૃતદેહ એનિમલ કેર સેન્ટરમાં મોકલાયો

ગીર પંથકમાં સિંહોની સુરક્ષાને લઈને વધુ એક ચિંતાજનક ઘટના સામે આવી છે. જૂનાગઢથી ચલાલા તરફ જતી મીટરગેજ લોકલ ટ્રેનની અડફેટે આવી જતાં એક સિંહણનું મોત થયું છે. વિસાવદર તાલુકાના ખંભાળિયા ગામ નજીક ઓજત નદી પાસે રેલવે ટ્રેક પર પિલર નંબર 44 અને 29/6 પોલ નજીક આ અકસ્માત સર્જાયો હતો.

ટ્રેનની અડફેટે આવતાં ગંભીર ઈજા પહોંચી, તરત મોત

બપોરે આશરે 12:30 વાગ્યે ટ્રેનની અડફેટે આવી જતાં સિંહણને ગંભીર ઇજાઓ પહોંચી હતી અને તેનું ઘટનાસ્થળે જ મોત થયું હતું. બનાવની જાણ થતાં વિસાવદર વન વિભાગના અધિકારીઓ અને સ્ટાફ તાત્કાલિક સ્થળ પર પહોંચ્યા હતા. સિંહણના મૃતદેહને સીમર એનિમલ કેર સેન્ટર ખાતે મોકલી આગળની કાયદેસરની કાર્યવાહી હાથ ધરવામાં આવી છે.ઉલ્લેખનીય છે કે ગીર અને ગિરનાર પંથકમાં સિંહોની અવરજવર રહેતી હોય છે.

આ પણ વાંચોઃ કામની વાત / શું 31 ડિસેમ્બર બાદ તમારી ચેકબુક નકામી થઇ જશે? RBIએ દૂર કર્યું કન્ફ્યુઝન

વન્યજીવોની સુરક્ષા માટે વધુ તકેદારીની જરુર

રેલવે ટ્રેક પર સિંહણનું મોત થતાં વન્યજીવોની સુરક્ષા માટે વધુ તકેદારી રાખવાની જરૂરિયાત સામે આવી છે. સાથે જ રેલવે અને વન વિભાગ વચ્ચે સંકલન જળવાય તે પણ એટલું જ જરૂરી બન્યું છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ