મોંઘવારી / જનતાને વધુ એક ઝટકો, અમૂલ દૂધ બાદ દહીમાં ભાવ વધારો, જાણો કેટલો?

આમ જનતાના ખિસ્સા પર મોંઘવારીનો વધુ એક માર પડ્યો છે. અમૂલ દૂધના ભાવમાં વધારો કર્યા બાદ હવે અમૂલ દ્વારા દહીં અને લસ્સીના ભાવમાં પણ વધારો ઝીંકવામાં આવ્યો છે. અમૂલ મસ્તી દહીંના એક કિલોના પેકેટમાં પાંચ રૂપિયાનો વધારો કરાયો છે. જ્યારે 380 ગ્રામના પેકેટમાં બે રૂપિયાનો વધારો કરવામાં આવ્યો છે.

દહીંમાં કેટલો વધારો?

આ ઉપરાંત અમૂલ મસ્તી દહીંની એક કિલોની બકેટ પણ પાંચ રૂપિયા મોંઘી થઈ છે. તો અમૂલ પ્રો. બાયોટિક રોઝ લસ્સીના ભાવમાં પણ બે રૂપિયાનો વધારો કરાયો છે. ખાસ વાત એ છે કે અમૂલે 14 નવેમ્બરથી જ નવા ભાવ અમલી બનાવી દીધા છે. પહેલા ઘી અને બટર, ત્યારબાદ દૂધ અને હવે દહીં તથા લસ્સી મોંઘાં થતાં સામાન્ય ગ્રાહકોના બજેટ પર વધુ ભાર પડ્યો છે.

અમૂલના દૂધના ભાવમાં વધારો

અમૂલ ડેરીએ દૂધના ભાવમાં પ્રતિ લિટર ₹2નો વધારો કર્યો છે, આ વધારા સાથે અમૂલ ગોલ્ડનો લિટરનો ભાવ ₹70 અને ભેંસના દૂધનો ભાવ ₹57 થયો છે. અમૂલ તાજામાં પણ ₹2નો વધારો કરવામાં આવ્યો છે, જેનાથી સામાન્ય જનતાના ઘરખર્ચમાં વધારો થશે.

આ પણ વાંચોઃ કામની વાત / શું 31 ડિસેમ્બર બાદ તમારી ચેકબુક નકામી થઇ જશે? RBIએ દૂર કર્યું કન્ફ્યુઝન

સામાન્ય નાગરિકોમાં કચવાટ

સતત વધી રહેલી મોંઘવારી વચ્ચે દૂધ જેવી પાયાની જરૂરિયાત મોંઘી થતા સામાન્ય નાગરિકોમાં કચવાટ જોવા મળી રહ્યો છે. અગાઉ પણ અમૂલ દ્વારા સમયાંતરે ભાવ વધારો કરવામાં આવ્યો હતો, પરંતુ આ લેટેસ્ટ વધારાથી ચા-નાસ્તો અને દૂધની બનાવટોના ભાવ પણ વધવાની શક્યતા છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ