ક્રિકેટ / રાહુલ દ્રવિડની જગ્યાએ આ દિગ્ગજ ખેલાડીએ ટીમ ઈન્ડિયાની કમાન સંભાળી, BCCI ટૂંક સમયમાં કરી શકે છે નવા કોચની ઘોષણા

• BCCIનાં કરાર અનુસાર રાહુલ દ્રવિડનો કાર્યકાળ સમાપ્ત
• 2 વર્ષનો કાર્યકાળ સમાપ્ત થયા બાદ કોચ નહીં રહે દ્રવિડ
• હાલમાં NCA પ્રમુખ દ્રવિડની જગ્યા સંભાળી રહ્યાં છે

BCCIનાં કરાર અનુસાર દિગ્ગજ રાહુલ દ્રવિડ અને તેમની ટીમનો કાર્યકાળ વિશ્વકપ બાદ પૂર્ણ થશે. માનવામાં આવી રહ્યું છે કે ટીમ ઈન્ડિયાની સાથે હવે આગળ દ્રવિડ કામ કરવામાં રૂચિ નથી દાખવી રહ્યાં. તેમની તરફથી કોઈ પ્રયાસ કરવામાં આવી રહ્યો નથી. ઑસ્ટ્રેલિયાની સામે સીરીઝમાં NCA પ્રમુખે તેમની જગ્યાએ ટીમની કમાન સંભાળી છે.

દ્રવિડનો કાર્યકાળ સમાપ્ત
ભારતીય ટીમનાં મુખ્ય કોચ રાહુલ દ્રવિડનો કાર્યકાળ સમાપ્ત થયાં બાદ હાલમાં નેશનલ ક્રિકેટ એકેડેમીનાં પ્રમુખ વીવીએસ લક્ષ્મણે તેમની જવાબદારી સંભાળી છે. વિશ્વ કપ બાદ શરૂ થયેલ ટી20 સીરીઝમાં તેઓ ટીમની કોચિંગ કરી રહ્યાં છે. આગળ BCCIએ નક્કી કરવાનું રહેશે કે તેઓ કોની સાથે આગળ વધવા ઈચ્છે છે.

IPL ટીમમાં જોડાઈ શકે છે દ્રવિડ
ભારતીય ટીમની સાથે પોતાનો 2 વર્ષનો કાર્યકાળ સમાપ્ત કર્યા બાદ મુખ્ય કોચ રાહુલ દ્રવિડનાં IPLમાં ફ્રેંચાઈઝી ટીમની સાથે જોડાવાની માહિતી મળતી રહે છે. મીડિયા રિપોર્ટ અનુસાર લખનઉ સુપર જાયંટ્સની ટીમની સાથે દ્રવિડ મેંટર તરીકે જોડાઈ શકે છે. આ ટીમનાં પૂર્વ મેંટોર ગૌતમ ગંભીરે કોલકત્તા નાઈટ રાઈડર્સની સાથે જવાનો નિર્ણય લીધો છે.