કરિયર / પંજાબ એન્ડ સિંડ બેન્કમાં લોકલ બેન્ક ઓફિસરની 1 હજાર પોસ્ટ પર પડી ભરતી, જાણો વિગત

બેંકમાં સરકારી નોકરી  કરવા માંગતા યુવાનો માટે સારા સમાચાર આવ્યા છે. પંજાબ અને સિંધ બેંકે લોકલ બેંક ઓફિસર્સ (LBOs) માટે 1000 ખાલી જગ્યાઓ માટે ભરતીની જાહેરાત કરી છે. આ ભરતીમાં ફોર્મ ભરવાની છેલ્લી તારીખ 24 એપ્રિલ એપ્રિલ 2026 છે.

• પાત્રતા માપદંડો
  આ ભરતીમાં ભાગ લેવા માટે, ઉમેદવારો માન્ય યુનિવર્સિટી/સંસ્થામાંથી કોઈપણ પ્રવાહમાં સ્નાતક હોવા જોઈએ. તેમની પાસે કોઈપણ સરકારી ક્ષેત્રની બેંક/પ્રાદેશિક ગ્રામીણ બેંકમાં અધિકારી કેડરમાં 18 મહિનાનો અનુભવ પણ હોવો જોઈએ.
  

ઉમેદવારો ઓછામાં ઓછા 20 વર્ષ અને ઓછામાં ઓછા 30 વર્ષ હોવા જોઈએ, એટલે કે તેમનો જન્મ 2 માર્ચ, 1996 અને 1 માર્ચ, 2006 ની વચ્ચે થયો હોવો જોઈએ. જેમાં અનામત કેટેગરીઓના ઉમેદવારોને નિયમો અનુસાર ઉંમરમાં છૂટછાટ આપવામાં આવશે. ઉંમરની ગણતરી 1 માર્ચ 2026 થી કરવામાં આવશે.

• અરજી ફી
  જનરલ, ઓબીસી અને ઇડબ્લ્યુએસ કેટેગરીઓના ઉમેદવારોએ 850 રૂપિયાની અરજી ફી પ્લસ ટેક્સ અને પેમેન્ટ ગેટવે ચાર્જ ચૂકવવાના રહેશે. એસસી, એસટી અને પીડબ્લ્યુડી કેટેગરીઓના ઉમેદવારોએ 100 રૂપિયા ચૂકવવાના રહેશે.
  
• પસંદગી પ્રક્રિયા
  આ ભરતી માટે પસંદગી પામવા માટે, ઉમેદવારોએ પહેલા લેખિત પરીક્ષા આપવાની રહેશે. જેમાં સફળ ઉમેદવારોએ સ્ક્રીનીંગ અને ઇન્ટરવ્યુ આપવો પડશે. ત્યારબાદ તેમને સ્થાનિક ભાષાની પરીક્ષામાં ભાગ લેવાની જરૂર પડશે. બધા તબક્કામાં સફળ ઉમેદવારોને ખાલી જગ્યાઓ પર નિમણૂકો આપવામાં આવશે.
  

વધુ વાંચો : કોલ ઇન્ડિયાની કંપનીમાં પડી ભરતી, 6 એપ્રિલ પહેલા ભરી દો ફોર્મ

• ફોર્મ કેવી રીતે ભરવું?
  

1. પહેલા સત્તાવાર પોર્ટલ ibpsreg.ibps.in/psbmar26/  પર જાઓ.
2. હોમ પેજ પર, "Click here for new registration" પર ક્લિક કરો અને જરૂરી વિગતો ભરીને રજિસ્ટ્રેશન કરો.
3. રજિસ્ટ્રેશન બાદ ઉમેદવારોએ વિગતો ભરીને અરજી પ્રક્રિયા પૂર્ણ કરવી
4. આ પગલાંને અનુસરો અને તમારી સહી અને ફોટોગ્રાફ અપલોડ કરો.
5. નિયત ફી ચૂકવો અને ફોર્મ સબમિટ કર્યા બાદ તેનું પ્રિન્ટઆઉટ લો અને તેને સુરક્ષિત રાખો.
   

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ