કરિયર / કોલ ઇન્ડિયાની કંપનીમાં પડી ભરતી, 6 એપ્રિલ પહેલા ભરી દો ફોર્મ

કોલ ઇન્ડિયા લિમિટેડની પેટાકંપની મહાનદી કોલફિલ્ડ્સ લિમિટેડ (MCL) એ 664 જગ્યાઓ પર ભરતી પાડી છે. આ ભરતી માટે કોઈ ઇન્ટરવ્યૂ નહીં હોય. ઉમેદવારોની પસંદગી માત્ર કમ્પ્યુટર આધારિત ટેસ્ટ (CBT) ના આધારે કરવામાં આવશે. ચાલો જાણીએ કે કોલ ઇન્ડિયામાં ખાલી જગ્યાઓ માટે કોણ અને કેવી રીતે અરજી કરી શકે છે.

• MCL અરજી તારીખો
  

MCL અરજી પ્રક્રિયા 16 માર્ચ 2026 ના રોજ શરૂ થઈ હતી. જેમાં છેલ્લી તારીખ 6 એપ્રિલ 2026 છે.  જેમાં વેબસાઇટ પર અંતિમ દિવસોમાં ખુબ ટ્રાફિક હોય છે જેના કારણે સર્વર સ્લો પડી શકે છે. આથી વહેલા અરજી કરવી જોઈએ.

• કઈ જગ્યાઓ માટે ભરતી?
  

MCL એ કુલ 664 જગ્યાઓ માટે ભરતી છે. જેમાં જુનિયર ઓવરમેન (T&S ગ્રેડ-C) માટે 192 જગ્યાઓ, માઇનિંગ સિરદાર (T&S ગ્રેડ-C) માટે 448 જગ્યાઓ અને સર્વેયર (T&S ગ્રેડ-C) માટે 40 જગ્યાઓ સામેલ છે. સૌથી વધુ ખાલી જગ્યાઓ માઇનિંગ સરદાર માટે છે. જો તમારી પાસે માઇનિંગ સંબંધિત લાયકાત અને સર્ટિફિકેટ હોય તો તમારી પસંદગી થવાની શક્યતાઓ વધુ છે.

• ભરતી પ્રક્રિયા
  

આ ભરતીમાં કોઈ ઇન્ટરવ્યુ નહીં હોય. જેમાં ઉમેદવારોની પસંદગી માત્ર કમ્પ્યુટર બેસ્ડ ટેસ્ટ (CBT) દ્વારા કરવામાં આવશે. CBT માં બધા પ્રશ્નો ઉદ્દેશ્ય પ્રકારના (મલ્ટીપલ ચોઈસના ક્વેશ્ચન) હશે. આ પરીક્ષામાં કોઈ નેગેટિવ માર્કિંગ નથી; ઉમેદવારોને તેમની ઉંમર, શૈક્ષણિક લાયકાત અને જરૂરી સર્ટિફિકેટના આધારે શોર્ટલિસ્ટ કરવામાં આવશે.

વધુ વાંચો : રેલ્વેમાં નોકરી મેળવવાની ઉત્તમ ત્તક, 23 પદો પર થઇ રહી છે ભરતી- જાણો સંપૂર્ણ વિગત

• ફોર્મ કેવી રીતે ભરવું?
  

1. સૌપ્રથમ, MCL ની વેબસાઇટ https://mahanadicoal.in/ ની મુલાકાત લો
2. હોમ પેજ પર કરિયર વિભાગ ખોલો.
3. જુનિયર ઓવરમેન, માઇનિંગ સિરદાર અને સર્વેયર માટે MCL ભરતી 2026 માટેની લિંક જુઓ
4. લિંકમાં આપેલી સૂચના કાળજીપૂર્વક વાંચો અને ઓનલાઇન અરજી કરો બટન પર ક્લિક કરો.
5. રજીસ્ટ્રેશન પૂરું કરો અને જરૂરી વ્યક્તિગત, શૈક્ષણિક અને અનુભવ માહિતી યોગ્ય રીતે ભરો.
6. આગળ, જરૂરી ડોક્યુમેન્ટ્સ, ફોટો અને સહી અપલોડ કરો.
7. ડોક્યુમેન્ટ્સ અપલોડ કર્યા બાદ અરજી ફી ચૂકવો.
8. ફી ચૂકવ્યા બાદ ફોર્મને સારી રીતે ચેક કરો, તેને સબમિટ કરો અને પ્રિન્ટઆઉટ લો

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ