વિરોધ / સંસદથી લઇને સુપ્રીમ કોર્ટ સુધી આ દેશમાં પ્રદર્શનકારીઓએ મચાવ્યો ભારે હોબાળો, અમેરિકા નારાજ, જાણો કારણ

• બ્રાઝિલના સંસદમાં ભવનમાં હંગામો મચ્યો
• પૂર્વ રાષ્ટ્રપતિ જેયર બોલ્સોનારોના સમર્થકોનો હંગામો
• સંસદ બહાર લગભગ ત્રણ હજાર લોકોની ભીડ એકઠી થઈ 

બ્રાઝિલના પૂર્વ રાષ્ટ્રપતિ જેયર બોલ્સોનારોના સમર્થકોએ સંસદ ભવનમાં હંગામો મચાવ્યો છે. તેમને રોકવા માટે પોલીસે ટીયર ગેસના સેલ છોડ્યા હતા. સેંકડો દેખાવકારોની ધરપકડ કરવામાં આવી હતી, પરંતુ તેમ છતાં પ્રદર્શનકારીઓએ સુપ્રીમ કોર્ટ અને રાષ્ટ્રપતિ ભવનમાં ઘૂસીને હાહાકાર મચાવ્યો હતો. તમને જણાવી દઈએ કે બ્રાઝિલની રાજધાની બ્રાઝિલિયામાં રવિવારે બોલ્સોનારો સમર્થકોએ સંસદ ભવન, રાષ્ટ્રપતિ ભવન અને સુપ્રીમ કોર્ટમાં હંગામો મચાવ્યો હતો. સંસદ સંકુલની બહાર લગભગ ત્રણ હજાર લોકોની ભીડ એકઠી થઈ અને પછી તેઓ બેરિકેડ તોડીને સંકુલમાં પ્રવેશ્યા.

Around 3,000 supporters of Brazil's far-right ex-president Jair Bolsonaro break into Brazil Congress building, presidential palace in a dramatic protest against President Luis Inacio Lula da Silva's inauguration last week, reports Reuters

— ANI (@ANI) January 9, 2023

બ્રાઝિલની સંસદમાં સેંકડો સમર્થકો 
સેંકડો બોલ્સોનારો સમર્થકો બ્રાઝિલિયામાં સંસદભવનની છત પર ચઢી ગયા હતા અને બેનર સાથે છત પર બેસી ગયા હતા. આ દરમિયાન દેખાવકારોએ સૂત્રોચ્ચાર કર્યા હતા. આવા ઘણા વીડિયો સામે આવ્યા છે જેમાં બોલ્સોનારો સમર્થકો બ્રાઝિલની સંસદની અંદર હંગામો મચાવતા જોવા મળે છે.

All eyes need to be on Brazil right now. Democracy is completely under attack. Bolsonaro supporters are invading Congress, the presidential
palace, and realms of power in Brazil.
Unbelievable scenes.

pic.twitter.com/q0ywe88ubm

— Dr. Jennifer Cassidy (@OxfordDiplomat) January 8, 2023

પોલીસે ટીયર ગેસના શેલ છોડ્યા
નોંધપાત્ર વાત એ છે કે બોલ્સોનારો સમર્થકોની બેરિકેડ તોડવાની ઘટના બાદ જ ભારે પોલીસ દળ સંસદ સંકુલમાં પહોંચી ગયું હતું. પોલીસે પ્રદર્શનકારીઓ પર ટીયર ગેસના શેલ છોડ્યા અને તેમનો પીછો શરૂ કર્યો. આ દરમિયાન સેંકડો દેખાવકારોની ધરપકડ પણ કરવામાં આવી હતી.

પ્રમુખે ચેતવણી આપી હતી
બ્રાઝિલના વર્તમાન રાષ્ટ્રપતિ લુઇઝ ઇનાસિયો લુલા દા સિલ્વાએ આ ઘટના અંગે સખત વાંધો વ્યક્ત કર્યો છે. રાષ્ટ્રપતિ સિલ્વાએ સ્પષ્ટ શબ્દોમાં કહ્યું છે કે વિરોધ કરનારાઓને બક્ષવામાં આવશે નહીં. તેમની સામે કડક કાર્યવાહી કરવામાં આવશે. બ્રાઝિલમાં થયેલા હંગામાએ ફરી એકવાર દુનિયાને કેપિટલ હિલની યાદ અપાવી દીધી છે.

I condemn the assault on democracy and on the peaceful transfer of power in Brazil. Brazil’s democratic institutions have our full support and the will of the Brazilian people must not be undermined. I look forward to continuing to work with @LulaOficial.

— President Biden (@POTUS) January 8, 2023

અમેરિકાએ આ ઘટના પર નારાજગી વ્યક્ત કરી
બ્રાઝિલમાં બનેલી આ ઘટના પર અમેરિકી રાષ્ટ્રપતિ જો બિડેને નારાજગી વ્યક્ત કરી છે. બિડેને કહ્યું કે હું બ્રાઝિલમાં લોકશાહી અને શાંતિપૂર્ણ રીતે સત્તાના હસ્તાંતરણ પરના હુમલાની નિંદા કરું છું. અમે બ્રાઝિલની લોકશાહી સંસ્થાઓને સંપૂર્ણ સમર્થન આપીએ છીએ અને બ્રાઝિલના લોકોની ઇચ્છાને ઓછો આંકી શકાય નહીં. હું રાષ્ટ્રપતિ સિલ્વા સાથે કામ કરવાનું ચાલુ રાખવા માટે આતુર છું.