દુખદ / VIDEO : જાણે ભૂકંપ આવ્યો' દિલ્હીમાં સત્ય નિકેતનમાં હોસ્ટેલની બિલ્ડિંગ ધરાશાયી, વિદ્યાર્થીઓ દટાયાં

દક્ષિણ દિલ્હીના સત્ય નિકેતનમાં એક બહુમાળી ઇમારત અચાનક ધરાશાયી થઈ ગઈ. આ ઘટનાને કારણે આસપાસના લોકોમાં નાસભાગ મચી ગઈ. પ્રત્યક્ષદર્શીઓનું કહેવું છે કે થોડીવારમાં આખી ઇમારત કાટમાળમાં ફેરવાઈ ગઈ. એક પ્રત્યક્ષદર્શીએ જણાવ્યું હતું કે અંદર 20-30 બાળકો ફસાયેલા હોઈ શકે છે. આ દુર્ઘટના મોતી બાગ નજીક સત્ય નિકેતનમાં શિવ મંદિર પાસે થયો હતો. એવું કહેવામાં આવી રહ્યું છે કે આ ઇમારતમાં એક પીજી હતું, તેથી વિદ્યાર્થીઓ અંદર હોવાની શંકા છે.

30 વિદ્યાર્થીઓ ફસાયા

અકસ્માત સ્થળે હાજર એક પ્રત્યક્ષદર્શીએ જણાવ્યું કે ઇમારત અચાનક ધરાશાયી થઈ ગઈ. કોઈ કંઈ સમજે તે પહેલાં, ધૂળનું વાદળ બધે ફેલાઈ ગયું. નજીકના લોકો તરત જ ભાગવા લાગ્યાં હતા. કાટમાળ નીચે 20 થી 30 લોકો દટાયેલા હોઈ શકે છે. અન્ય એક પ્રત્યક્ષદર્શીએ એમ પણ કહ્યું કે કાટમાળ નીચે ઘણા લોકો ફસાયેલા હોવાની આશંકા છે.

કાટમાળ નીચેથી લોકો કરી રહ્યાં છે ફોન

ઘટનાસ્થળે પહોંચેલા આરકે પુરમના ધારાસભ્ય અનિલ કુમાર શર્માએ જણાવ્યું હતું કે કાટમાળ નીચેથી કેટલાક લોકો ફોન કરી રહ્યા હતા. હજુ પણ ઘણા લોકો અંદર ફસાયેલા હોઈ શકે છે. બચાવ કામગીરી ચાલુ છે. સ્થાનિક લોકો પણ કાટમાળ સાફ કરવામાં બચાવ ટીમોને મદદ કરી રહ્યા છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ