- સતત વધી રહ્યા છે સાઈબર ફ્રોડના કેસ
- લોકોના ખાતામાંથી ઉપડી રહ્યા છે લાખો રૂપિયા
- એક નાનકડી ભૂલ તમને બનાવી શકે છે કંગાલ
સાઈબર ક્રાઈમ અને સાઈબર ફ્રોડના કેસ સતત વધી રહ્યા છે. આ કેસોમાં ઘણા નિર્દોષ લોકો પોતાના લાખો રૂપિયા ગુમાવી ચુક્યા છે. આંકડાઓ પર ધ્યાન આપીએ તો 2021ના નાણાકીય વર્ષમાં ઘરેલુ પેમેન્ટ ફ્રોડના કેસમાં ભારતના લોકોને લગભગ 542 કરોડ રૂપિયાનું નુકસાન થયું હતું.
હાલ વધી રહ્યા છે આંકડા
2023 નાણાકીય વર્ષમાં આ આંકડા 2537 કરોડ પર પહોંચી ગયા છે. જેમાં 9926 કેસ ડિજિટલ લોન એપથી સંબંધિત છે. આ ડેટા ઓનલાઈન રિપોર્ટ્સથી લેવામાં આવ્યો છે. આજે અમે કંઈક એવા જ નકલી લોન સ્કેમ અને તેનાથી બચાવની રીત વિશે જણાવવા જઈ રહ્યા છીએ. તેમાં પહેલો કેસ લોન ફીનો છે.
પ્રોસેસિંગ માટે રૂપિયા
સ્કેમર્સ લોકોને ઓછા ઈન્ટરેસ્ટ રેટ્સ પર લોન આપવાનો વાયદો કરે છે. ત્યાર બાદ પ્રોસેસિંગના ભાગ રૂપે એમાઉન્ટ માંગે છે. ત્યારે સ્કેમર્સ મોટા એમાઉન્ટની ડિમાન્ડ કરે છે. જ્યારે અમુક સ્કેમર્સ અલગ અલગ હપ્તામાં પૈસા લે છે.
ફેક લોન ઓફર
સ્કેમર્સ ઘણી વખત લોકોને નકલી લોનની પણ ઓફર આપે છે. આ ઓફર ઈમેલ, ટેક્સ્ટ અને ફોન કોલ દ્વારા પણ મોકલવામાં આવે છે. તેમાં તે નિર્દોષ લોકોની સેન્સિટિવ માહિતી લઈલે છે.
આવી ઓફર્સથી સાવધાન
ઈમેલ, ટેક્સ્ટ અને ફોન કોલ પર આવનાર કોઈ પણ ઓફર્સ પર આંખ બંધ કરીને વિશ્વાસ ન કરો. લોન કે કોઈ પણ ઓફર્સની ડિટેલ્સ જાણવા માટે રૂબરૂ મુલાકાત લો.
ગેરેન્ટી લોન સ્કેમથી બચો
હંમેશા ગેરેન્ટી જેવી ઓફર્સથી બચીને રહેવું જોઈએ. ઘણા લોકો ક્રેડિટ સ્કોર જોયા વગર જ લોન આપવાની ગેરેન્ટી આપે છે. તેનું નુકસાન યુઝર્સને ઉઠાવવું પડી શકે છે. મોટી બેંકો ક્યારેય પણ આમ નથી કરતી.
ડોક્યુમેન્ટ્સનું રાખો ધ્યાન
ઘણા લોકો નિર્દોષ લોકોનો ફાયદો ઉઠાવીને તેમના ડોક્યુમેન્ટનો ઉપયોગ કરી બીજી કોઈ લોન કરાવી દે છે. એવું કરવાથી તમને ભારે નુકસાન થઈ શકે છે. તેના માટે તમે Cibil Report પણ ચેક કરી શકો છો.
