બ્રિટનના નવા વડાપ્રધાન બોરિસ જોનસને પોતાના કેબિનેટમાં મૂળ ગુજરાતી પ્રીતિ પટેલને બ્રિટનના નવા ગૃહમંત્રી બનાવ્યાં છે. મૂળ ગુજરાતણ પ્રીતિ પટેલ હવે બ્રિટનનની ગૃહમંત્રી. પ્રીતિ પટેલ બ્રિટનના ઇતિહાસમાં ગૃહમંત્રી બનાનાર ભારતીય મૂળની પ્રથમ મહિલા છે.
પ્રીતિ મોદીના ખૂબ જ પ્રશંસક
47 વર્ષીય પ્રીતિ પટેલ બ્રિટનની કન્ઝરવેટીવ પાર્ટીના મુખ્ય નેતા છે. પ્રીતિ પટેલ બ્રેક્ઝિટ મુખ્ય સમર્થક હોવાથી નાની ઉંમરે જ બોરિસ જોનસને પોતાનાં કેબિનેટમાં સ્થાન આપ્યું છે. પ્રીતિ પટેલને PM મોદીના ઉત્સાહી પ્રશંસક માનવામાં આવે છે. તેઓ ઘણી વખત બ્રિટનમાં મોદીની પ્રશંસા કરી ચૂક્યાં છે.
પ્રીતિએ મૂળ બ્રિટનના એવેક્સ સાથે લગ્ન કર્યા છે
પ્રીતિ પટેલના માતા-પિતા મૂળ ગુજરાતના વતની છે. તેઓ ગુજરાતથી યુગાન્ડા અને બાદમાં બ્રિટનમાં સ્થાયી થયા હતાં. પ્રીતિ બ્રિટન મૂળના એવેક્સ સ્વેરે સાથે 2004માં લગ્ન કર્યા હતાં અને પ્રીતિને સંતાનમાં એક ફ્રેડી નામનો દિકરો છે.
પ્રીતિ ગૃહમંત્રાલય સંભાળવા ઉત્સાહિત
પ્રીતિ પટેલે ટ્વિટ કરી કહ્યું કે બ્રિટનના નવા વડાપ્રધાન બોરિસ જોનસન દ્વારા ગૃહમંત્રી તરીકે નિમણૂંક કરવા પર હું મારી જાતને સન્માનિત માનું છું. હવે બ્રિટેનના ગૃહ વિભાગના કાર્યાલય સાથે કામ કરવાને લઇને ખૂબ ઉત્સાહિત છું.
I am deeply honoured to be appointed as Home Secretary by our new Prime Minister @borisjohnson. Looking forward to working @ukhomeoffice to prepare our Country for leaving the EU, leading on matters of national security & public safety & keeping our borders secure.
પ્રીતિએ અગાઉ થેરેસા મેની સરકારમાં રાજીનામું આપ્યું હતું
પ્રીતિ બ્રેક્ઝિટ સમર્થક અને ક્રાંતિકારી હોવાથી અગાઉ એક વિવાદના કારણે થેરેસા મેની કેબિનેટમાંથી રાજીનામું આપવું પડ્યું હતું. પ્રીતિ પટેલ પર ઇઝરાયલના વડાપ્રધાન બેન્જામિન નેતન્યાહૂ સાથે ખાનગી મુલાકાત કરવાનો આરોપ લગાવામાં આવ્યો હતો. બ્રિટેનના ગૃહમંત્રી બનવું પ્રીતિ પટેલની એક મોટી સિદ્ધિ માનવામાં આવી રહી છે. જેને તેમની રાજકારણમાં શાનદાર સેકન્ડ ઇનિંગ્સ તરીકે જોવામાં આવી રહી છે.