- દિલ્હી સીએમ કેજરીવાલનો દાવો
- મારા ઘેર પર સીબીઆઈ રેડ પડી ત્યારે કશું હાથ લાગ્યું નહોતું
- ત્યારે મને પીએમે ઈમાનદારીનું સર્ટિફિકેટ આપ્યું હતું
દિલ્હીના મુખ્ય પ્રધાન અને આમ આદમી પાર્ટી (આપ) ના સંયોજક અરવિંદ કેજરીવાલે દાવો કર્યો હતો કે વડા પ્રધાન નરેન્દ્ર મોદીએ તેમને "પ્રામાણિક મુખ્ય પ્રધાનનું પ્રમાણપત્ર" આપ્યું હતું કારણ કે સેન્ટ્રલ બ્યુરો ઓફ ઇન્વેસ્ટિગેશનએ તેમના નિવાસસ્થાન પર દરોડા પાડ્યા હતા ત્યારે મારે ત્યાંથી કશું મળ્યું નહોતું.
મારા ઘેર પર સીબીઆઈ રેડ પડી ત્યારે તેમનું કશું હાથ લાગ્યું નહોતું-કેજરીવાલ
દિલ્હીના સીએમ અરવિંદ કેજરીવાલે ગુરુવારે કહ્યું, પીએમ મોદીએ સીબીઆઈને કહીને મારા નિવાસસ્થાન પર દરોડા પડાવ્યાં. અધિકારીઓ મારા બેડરૂમમાં ઘૂસી ગયા હતા, પણ તેમને કશું મળ્યું નહીં. આખરે વડા પ્રધાને મને 'પ્રામાણિક' મુખ્યમંત્રીનું પ્રમાણપત્ર આપ્યું. અમારી પ્રામાણિક સરકાર છે... અમે તેને દિલ્હી અને પંજાબમાં બનાવી છે અને હવે અમે કર્ણાટકમાં સરકાર બનાવીશું.
પાર્ટી અને સરકારની સિદ્ધીઓનું જોરદાર સમર્થન કર્યું કેજરીવાલે
કેજરીવાલે દિલ્હીમાં તેમની પાર્ટી અને સરકારની સિદ્ધિઓનું જોરદાર સમર્થન કર્યું હતું. આ વર્ષે, ચાર લાખ વિદ્યાર્થીઓ ખાનગી શાળાઓમાંથી સરકારી શાળાઓમાં આવ્યા હતા. દિલ્હીમાં બે કરોડ લોકોને મફત સારવાર મળે છે. પહેલા આઠ કલાક માટે પાવર કટ થયો હતો ... હવે લોકોને બિલ વગર 24 કલાક વીજળી મળે છે.
આમ આદમી પાર્ટીની નજર હવે ગુજરાત અને કર્ણાટક પર
પંજાબમાં મળેલી શાનદાર જીત બાદ આમ આદમી પાર્ટીની નજર હવે ચાલુ વર્ષના અંતમાં યોજનાર ગુજરાત અને કર્ણાટક વિધાનસભાની ચૂંટણી પર છે. આમ આદમી પાર્ટી આ બન્ને રાજ્યોમાં ચૂંટણી લડવા માગે છે. કેજરીવાલે અત્યારથી તેને માટે તૈયારી પણ કરી રાખી છે. કેજરીવાલે કહ્યું કે પંજાબ અને દિલ્હીની જેમ અમે કર્ણાટકમાં પણ જીત મેળવીશું.
