ખેડા / VIDEO : ડાકોરના ઠાકરની આંખ સામે ભક્તને આવ્યો હાર્ટ એટેક, 'દેવદૂત' હાજર જ હતા, દોડીને બચાવી લીધો જીવ

• હાર્ટએટેક આવતા પોલીસે આપ્યુ CPR
• PSI અને હેડ કોન્સ્ટેબલે આપી સારવાર
• CPR આપતા વ્યક્તિ આવ્યો ભાનમાં

સ્વાસ્થ્ય અને સલામતીના ભાગરૂપે રાજ્યમાં પોલીસ જવાનોને CPR તાલીમ આપવામા આવી હતી, જે CPRની તાલીમ હવે ખરા અર્થમાં જીવન રક્ષક સાબિત થઈ રહી છે. ડાકોર મંદિર બહાર એક વ્યક્તિને હાર્ટએટેક આવતા પોલીસે CPR આપી જીવન બચાવી લીધું છે. 

CPR આપતા વ્યક્તિ આવ્યો ભાનમાં
ડાકોર મંદિરની બહાર એક દર્શનાર્થી ભક્તને હાર્ટ એટેક આવતા અચાનક ઢળી પડ્યો હતો. જેને ત્યાં હાજર PSI અને હેડ કોન્સ્ટેબલે CPR આપ્યું હતું. પ્રાથમિક સારવાર રૂપે CPR આપતા વ્યક્તિ અચાનક જ ભાનમાં આવ્યો હતો જે બાદ તેને હોસ્પિટલ ખસેડવામા આવ્યો હતો.

CPRથી વ્યક્તિનો જીવ બચાવી શકાય છે 
પોતાની આસપાસ કોઈ પણ વ્યક્તિને હાર્ટ એટેક આવે અને આપણે CPR તાલીમ લીધેલી હોય તો તે વ્યક્તિનો જીવ બચાવી શકીએ છીએ. અવાર-નવાર આપણે જોયા પણ છે કે ઘણા વ્યક્તિઓ હાર્ટ એટેકના કારણે ઢળી પડે છે અને ડોક્ટરે કહેતા હોય છે જો આ ભાઈને યોગ્ય સમય CPR આપવામાં આવ્યું હોત તો તે બચી શક્યો હોત. આવા કિસ્સામાં CPR તાલીમ દેવદૂત સમાન સાબિત થાય છે. આ તાલીમ ગુજરાતના મોટા ભાગના કર્મચારીઓને આપવામાં આવી છે જે અત્યારે દેવદૂત સમાન બની રહી છે.