પ્રહાર / ''કેટલાંકને એવું લાગે છે કે બંધારણ એમના ખિસ્સામાં છે'', વગર નામ લીધે PM મોદીના રાહુલ ગાંધી પર પ્રહાર

વડાપ્રધાન નરેન્દ્ર મોદીએ ગુરુવારે વિપક્ષી નેતાઓ પર આકરા પ્રહારો કરતા કોઈનું નામ લીધા વિના મોટું નિવેદન આપ્યું છે. તેમણે કટાક્ષ કર્યો હતો કે આજકાલ કેટલાક લોકો હાથમાં બંધારણ લઈને ફરે છે અને તેમને એવું લાગવા માંડ્યું છે કે દેશનું બંધારણ અને જનતા બંને તેમની ખિસ્સામાં છે. વડાપ્રધાને ઉમેર્યું હતું કે આ લોકોને સત્તામાં ન હોવા છતાં પણ સત્તામાં રહેવાનો એક અલગ જ પ્રકારનો નશો અને ઉત્સાહ રહે છે.

आज भारत में agri-engineering से लेकर agri-startups तक अवसर ही अवसर हैं। हमें अपने अन्नदाता को कृषि-उद्यमी बनाना है। - पीएम श्री @narendramodi पूरा देखें: https://t.co/XhPJzFdpdq https://t.co/CnfrKvFSZ8

— BJP (@BJP4India) November 12, 2026

ઉલ્લેખનીય છે કે વડાપ્રધાન મોદીનો આ કટાક્ષ રાહુલ ગાંધી સહિતના તમામ વિપક્ષી નેતાઓ પર હતો, કારણ કે લોકસભા ચૂંટણી 2024 ના પરિણામો બાદથી આ તમામ નેતાઓ જાહેરમાં બંધારણની કોપી હાથમાં રાખીને પોતાની વાત રજૂ કરતા આવ્યા છે. ઉલ્લેખનીય છે કે લોકસભા ચૂંટણી દરમિયાન વિપક્ષ દ્વારા એવો પ્રચાર કરવામાં આવ્યો હતો કે જો ભારતીય જનતા પાર્ટીની સરકાર ફરીથી સત્તામાં આવશે તો તે દેશના બંધારણમાં ફેરફાર કરી નાખશે.

एक जमाने में बेस्ट परफॉर्म करने वाले राज्यों की रैंकिंग होती थी। ऐसी ही इकोनॉमिक्स से जुड़ी एक रैंकिंग में गुजरात नंबर वन आया। (तब) मैं वहां का मुख्यमंत्री था। जिस संस्था ने गुजरात को नंबर वन रैंकिंग दी थी, उसका नाम देश के पूर्व प्रधानमंत्री के नाम पर था। यह रैंकिंग देश के प्रतिष्ठित अर्थशास्त्रियों की रिसर्च के आधार पर दी गई थी। लेकिन तब दिल्ली की सत्ता में काबिज लोगों को गुजरात का सम्मान रास नहीं आया और उन्होंने रिसर्च करने वालों को आदेश दिया कि ऐसा नहीं चलेगा, अब कोई भी रिपोर्ट छापने से पहले हमसे मंजूरी लेनी पड़ेगी। और आज यही लोग सहिष्णुता और लोकतंत्र को लेकर ज्ञान देते फिरते हैं। - पीएम श्री @narendramodi पूरा देखें: https://t.co/5iaNsqbEGw

— BJP (@BJP4India) November 12, 2026

એક અખબારી જૂથના કાર્યક્રમ દરમિયાન વડાપ્રધાને વિપક્ષના આ વલણનો આકરો જવાબ આપ્યો હતો. તેમણે સત્તાથી બહાર થયા પછી પણ લોકતંત્રને પોતાની અંગત મિલકત માની લેવાની માનસિકતા પર સવાલ ઉઠાવ્યા હતા. વિપક્ષ પર પ્રહાર કરતા વડાપ્રધાને આરોપ લગાવ્યો કે જ્યારે આ લોકો સત્તામાં હતા ત્યારે તેમણે તેનો ભરપૂર દુરુપયોગ કર્યો હતો. આ વાતને સ્પષ્ટ કરવા માટે તેમણે પોતાના ગુજરાતના મુખ્યમંત્રી તરીકેના કાર્યકાળની એક જૂની ઘટના ટાંકી હતી.

I urge the experts present here to work with farmers to develop solar-powered agricultural equipment that can significantly reduce costs. Just as the world is moving towards electric vehicles, I envision all types of agricultural tools and equipment being powered by solar energy. I am working towards this vision in collaboration with farmers. I will certainly call upon engineers to work on this. It could become the foundation of a major revolution. - PM @narendramodi Watch the full video: https://t.co/5iaNsqbEGw

— BJP (@BJP4India) November 12, 2026

વડાપ્રધાને જણાવ્યું હતું કે તેમના મુખ્યમંત્રીકાળ દરમિયાન દેશના તમામ રાજ્યની કામગીરીનું મૂલ્યાંકન કરીને રેન્કિંગ તૈયાર કરવામાં આવતી હતી. આ પ્રક્રિયા દરમિયાન એક પૂર્વ વડાપ્રધાનના નામ સાથે જોડાયેલી સંસ્થાએ ગુજરાતને વિકાસ અને કામગીરીના મામલામાં નંબર વનનું ખિતાબ આપ્યું હતું. પરંતુ આ વાત કેન્દ્ર સરકારને બિલકુલ પચી નહીં. તેમણે ખુલાસો કર્યો કે કેન્દ્ર સરકાર દ્વારા આ સંશોધન કરનારાઓને સ્પષ્ટ નિર્દેશ આપવામાં આવ્યા હતા કે આ પ્રકારે કામ નહીં ચાલે અને ભવિષ્યમાં કોઈપણ અહેવાલ પ્રકાશિત કરતા પહેલા સરકારની પૂર્વ મંજૂરી લેવી પડશે. વડાપ્રધાને પૂર્વવર્તી કેન્દ્ર સરકાર પર ગંભીર આરોપ લગાવતા કહ્યું કે તેણે ગુજરાતના આર્થિક પ્રદર્શનને માન્યતા આપતી સંશોધન રિપોર્ટના પ્રકાશનને અટકાવવા માટે દબાણ લાવવાનો પ્રયાસ કર્યો હતો.

વધુ વાંચો : ‘બિલોંગિંગઃ અ જર્ની ઓફ લવ’માં બચ્ચન પરિવારથી PM મોદી સુધીનો ઉલ્લેખ, કોના વિશે રહ્યા મૌન?

કિસાન હિતો અને અનાજના ભંડાર અંગે નિવેદન

આ કાર્યક્રમ દરમિયાન વડાપ્રધાન મોદીએ અગાઉની સરકારો પર ખેડૂતોના હિતમાં પૂરતું કામ ન કરવાનો આક્ષેપ પણ કર્યો હતો. તેમણે જણાવ્યું કે અગાઉની સરકારો માત્ર એ વાતથી જ ખુશ થઈ જતી હતી કે દેશના ખેડૂતોએ અનાજના ભંડાર ભરી દીધા છે. તેમણે ભારપૂર્વક કહ્યું કે માત્ર અનાજના ગોડાઉનો ભરાઈ જવા એને વાસ્તવિક વિકાસ માની શકાય નહીં, પરંતુ ખેડૂતોના કલ્યાણ અને સશક્તિકરણ માટે પણ નક્કર કામ કરવું પડે છે. વર્તમાન સરકારની ઉપલબ્ધિઓ વર્ણવતા વડાપ્રધાને કહ્યું કે કેન્દ્ર સરકારે ખેડૂતોના હિતમાં અનેક મોટા પગલાં લીધા છે. તેમણે દાવો કર્યો કે આજે કેન્દ્ર સરકાર ખેડૂતો માટે જેટલી વિશાળ રકમની સબસિડી પાછળ ખર્ચ કરી રહી છે, તેટલું તો દુનિયાના અનેક દેશોનું આખું વાર્ષિક બજેટ પણ નથી હોતું.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ