વતનમાં વડાપ્રધાન / PM મોદીએ 'સમિટ ઓફ સક્સેસ' પેવેલિયનનું કર્યું ઉદ્ધાટન, વાઈબ્રન્ટ સમિટની ઉજવણીમાં થયા સહભાગી, હવે બોડેલી ખાતે સંબોધશે જંગી જનસભા

• PM મોદી બે દિવસના ગુજરાત પ્રવાસે 
• આજે ગુજરાત પ્રવાસનો બીજો દિવસ
• PM મોદીએ સાયન્સ સિટીની મુલાકાત લીધી 

PM મોદી હાલ ગુજરાતની બે દિવસની મુલાકાતે છે. આજે તેમના ગુજરાત પ્રવાસનો બીજો દિવસ છે. PM મોદીએ અમદાવાદમાં સાયન્સસિટીની મુલાકાત લીધી. જ્યાં આયોજીત વાઈબ્રન્ટ ગુજરાત ગ્લોબલ સમિટના 20 વર્ષના ઉજવણી કાર્યક્રમમાં પણ PM મોદીએ ભાગ લીધો. અહીં PM મોદીએ સંબોધન પણ આપ્યું.

વડાપ્રધાન સાથે અહીં રાજ્યપાલ આચાર્ય દેવવ્રત, મુખ્યમંત્રી ભૂપેન્દ્ર પટેલ અને ભાજપ પ્રદેશ પ્રમુખ સી.આર.પાટીલે પણ હાજરી આપી હતી. PM મોદીએ સાયન્સસિટીમાં આયોજીત 'સમિટ ઓફ સક્સેસ'નું ઉદ્ધાટન કર્યું. સાથે જ PM મોદીએ નેચર પાર્ક, રોબોટિક ગેલેરીની પણ મુલાકાત લીધી હતી. 

LIVE: PM Shri @NarendraModi attends the 20 Years' Celebration of Vibrant Gujarat Global Summit #20YearsOfVibrantGujarat https://t.co/6ZYSIPIj9u

— BJP Gujarat (@BJP4Gujarat) September 27, 2023

20 વર્ષ પહેલા થઈ હતી વાયબ્રન્ટ સમિટની શરૂઆત
20 વર્ષ પહેલા, તા.28મી સપ્ટેમ્બર 2003ના રોજ ગુજરાતના તત્કાલીન મુખ્યમંત્રી નરેન્દ્રભાઇ મોદીના દૂરંદેશી નેતૃત્વ હેઠળ ગુજરાતમાં પ્રથમવાર વાયબ્રન્ટ ગુજરાત ગ્લોબલ સમિટની શરૂઆત કરવામાં આવી હતી. 

આજે વાયબ્રન્ટ ગુજરાત સમિટ ભારત અને વિશ્વમાં પણ સૌથી પ્રમુખ બિઝનેસ સમિટ તરીકે જાણીતી બની છે. આટલા વર્ષોથી વિશ્વભરના રાજ્યોના વડાઓ, અગ્રણી ઉદ્યોગપતિઓ, રાજનેતાઓ, થોટ લીડર્સ, શિક્ષણવિદો અને પ્રતિનિધિઓની હાજરી આ સમિટમાં જોવા મળી છે. 

ગુજરાતને મળશે વિકાસની સોગાત ! ✌🏼

આદરણીય વડાપ્રધાન શ્રી @narendramodiજી ના વરદ્હસ્તે મિશન સ્કૂલ્સ ઓફ એક્સલન્સ અંતર્ગત રૂ. 4,505 કરોડ સહિત અન્ય વિભાગના કુલ રૂ. 5,206 કરોડના વિવિધ વિકાસ કાર્યોનું થશે લોકાર્પણ અને ખાતમુહૂર્ત. pic.twitter.com/w0nMhU1kdE

— Dr. Kuber Dindor (@kuberdindor) September 26, 2023

5,206 કરોડના વિકાસકાર્યોનું ખાતમુહૂર્ત અને લોકાર્પણ
આ સાથે PM દાહોદ અને છોટાઉદેપુરમાં 5 હજાર 206 કરોડના વિવિધ વિકાસકાર્યોનું ખાતમુહૂર્ત અને લોકાર્પણ કરશે. તેમજ વડોદરામાં મહિલાઓ દ્રારા આયોજન કરેલા PMના અભિવાદન સમારંભમાં પણ હાજર રહેશે. ત્યાર બાદ PM દિલ્લી જવા રવાના થશે.