- રાજ્યસભામાં પીએમ મોદી રાષ્ટ્રપતિના અભિભાષણ પર કરી રહ્યા હતા ચર્ચા
- કોંગ્રેસ પાર્ટી પર કર્યા આકરાં પ્રહારો
- 75 વર્ષના લેખાજોખા રજૂ કર્યાં
પ્રધાનમંત્રી મોદી રાજ્યસભામાં રાષ્ટ્રપતિના અભિભાષણ પર ધન્યવાદ પ્રસ્તાવનો જવાબ આપી રહ્યા હતા. પ્રધાનમંત્રી મોદીએ સંબોધન કરતા કહ્યું કે, આજે દેશ આઝાદીનો અમૃત મહોત્સવ ઉજવી રહ્યું છે. 75 વર્ષમાં દેશની દિશા અને ગતિ આપવાના અનેક સ્તર પર પ્રયાસો કરવામાં આવ્યા. આ બધાના લેખાજોખામાંથી જે સારૂ છે, તેને આગળ વધારવાનું અને ખામીઓ છે તેને દૂર કરવા વિશે વિચારવું જોઈએ, જેથી આપણે આવનારા 25 વર્ષમાં 75 વર્ષની ગતિથી પણ વધારે ઝડપી દેશને ઘણુ બધું આપી શકીએ. તેમણે કોંગ્રેસ પર ટાર્ગેટ કરતા કહ્યું કે, જો કોંગ્રેસ ન હોત તો 1984માં સિખ નરસંહાર પણ ન થયો હતો અને ન તો કાશ્મીરી પંડીતોનું પલાયન થયું હોત.
કોંગ્રેસ પર કર્યા આકરાં પ્રહાર
સદનમાં કહ્યું હતું કે, કોંગ્રેસે ભારતનો પાયો નાખ્યો, અમુક લોકો એવું માને છે કે, હિન્દુસ્તાન 1947માં જન્મ્યુ. આ માનસિકતાના કારણે જ તકલીફો આવી અને જે લોકોને 50 વર્ષ કામ કરવાનો મોકો મળ્યો તેમણે કંઈ કર્યું નહીં. 1975માં લોકતંત્રનું ગળુ દબાવવાનું કામ કરનારાઓને લોકતંત્ર પર બોલવું જોઈએ નહીં. કોંગ્રેસે ડાયનેસ્ટીથી આગળ વિચાર્યું જ નથી. ભારતના લોકતંત્રને સૌથી મોટો ખતરો છે, પરિવારવાદની પાર્ટીઓથી. એ માનવું પડશે. પાર્ટીમાં પણ જ્યારે કોઈ સર્વૌપરિ થઈ જાય છે, તો સૌથી પહેલા કૈજ્યુલ્ટી ટેલેન્ટની થાય છે.
અમે દેશના ગરીબોની રક્ષા કરીશું
રાજ્યસભામાં પ્રધાનમંત્રી મોદીએ કહ્યું કે, મને નવાઈ લાગે છે કે, અમુક માનનીય સભ્યોએ કહ્યું કે, ભારતનું રસીકરણ અભિયાન કોઈ મોટી વાત નથી. સાથે જ હું તમામને ભરોસો અપાવા માગુ છુ કે, જ્યાં સુધી મહામારી છે, અમે દેશના ગરીબોની રક્ષા કરીશું.
સંબોધનમાં મહત્વના મુદ્દાઓ
- પીએમ મોદીએ પોતાના ભાષણમાં કહ્યું કે, કોરોના એક વૈશ્વિક મહામારી છે અને છેલ્લા 100 વર્ષમાં માનવ જાતિએ આટલું મોટુ સંક્ટ જોયું નથી. હજૂ પણ આ સંકટ નવું નવું રૂપ લઈને આફત બની રહ્યું છે. સમગ્ર દુનિયા તેની સામે ઝઝૂમી રહી છે. પીએમ મોદીએ કોરોના વેક્સિનેશન પ્રોગ્રામના વખાણ કરતા કહ્યું કે, આજે સમગ્ર વિશ્વમાં ભારતના કામના વખાણ થઈ રહ્યા છે .
- ગરીબોને રાશન આપવાનું કામ કરવામાં આવ્યું. આ કોરોનાકાળમાં 80 કરોડથી વધારે લોકો મફક રાશન આપીને દુનિયાની સામે મજબૂત ઉદાહરણ રજૂ કર્યું છે. ગરીબ લોકોને ઘરનું ઘર આપવાનું કામ અમારી સરકાર કરે છે .
- કોરોના કાળમાં પાંચ કરોડ ગરીબ પરિવારને નળથી જળ પહોંચાડવાનું કામ કરવામા આવ્યું છે.
- ખેડૂતોના પાકને ટેકાભાવે ખરીદી કરવામાં આવી છે.
- સરકારે નક્કી કર્યું છે કે, 200 કરોડ સુધીના ટેન્ડર બહારના લોકોને આપવામાં આવશે નહીં. જેનાથી દેશના MSME સેટ્કરને પણ મોટો ફાયદો મળશે.
