- સરકારે પીએમ કિસાન સમ્માન નિધિનો 14 મો હપ્તો જાહેર કર્યો
- શું તમને પીએમ કિસાન સમ્માન નિધિનો હપ્તો નથી મળ્યો
- આ રીતે ચેક કરો ઓનલાઈન સ્ટેટસ
સરકારે પીએમ કિસાન સમ્માન નિધિનો 14 મો હપ્તો જાહેર કર્યો છે. પ્રધાનમંત્રી નરેન્દ્ર મોદીએ 27 જુલાઈના રોજ રાજસ્થાનના સીકરમાં પીએમ કિસાન સમ્માન નિધિના 14મા હપ્તા માટે 8.5 કરોડ ખેડૂતોના ખાતામાં 17 હજાર કરોડ રૂપિયા ટ્રાન્સફર કર્યા છે. જે ખેડૂતોનું રજિસ્ટ્રેશન થયું નથી તે ખેડૂતોને આ યોજનાના પૈસા મળ્યા નથી. પૈસા અટકી જવાના અન્ય કારણ પણ હોઈ શકે છે.
લાભાર્થીઓના લિસ્ટમાં ખેડૂતોનું નામ હોવા છતાં પૈસા મળ્યા નથી મળ્યા તો તે માટે પીએમ કિસાન પોર્ટલ પર આપેલ જાણકારી જવાબદાર હોઈ શકે છે. પીએમ કિસાન ઈ-કેવાયસી ના કરાવવા પર, લેન્ડ સીડિંગ ના હોવા પર અથવા ખોટો બેન્ક એકાઉન્ટ નંબર હોવાને કારણે પૈસા અટકી શકે છે.
ભૂલ સુધારવાથી પૈસા મળી જશે
જો તમારું નામ પીએમ કિસાન પોર્ટલ પર અપલોડ કરવામાં આવ્યું છે, તો તમારે ગભરાવાની જરૂર નથી. તમારો હપ્તો ભલે અટકી ગયો હોય તેમ છતાં ગભરાવાની જરૂર નથી. જો કોઈ ભૂલના કારણે પૈસા અટકી ગયા છે, તો તે ભૂલ સુધારવાથી તમારા ખાતામાં પૈસા આવી જશે. જો હાલમાં તમને પૈસા નથી મળ્યા તો આગામી હપ્તામાં તમને 14માં હપ્તાના પૈસા મળી જશે. જો સરકાર તરફથી કોઈ કારણોસર નામ રિજેક્ટ કરવામાં આવે છે, તો પીએમ કિસાન સમ્માન નિધિનો લાભ નહીં મળે અને ખાતામાં પૈસા ટ્રાન્સફર કરવામાં નહીં આવે.
ઓનલાઈન સ્ટેટસ ચેક કરો
સ્ટેટસ ચેક કરવા માટે પીએમ કિસાનની અધિકૃત વેબસાઈટ pmkisan.gov.in ની મુલાકાત લો. જ્યારે ફાર્મર કોર્નર લખેલું હશે, તેના પર ક્લિક કરો. હવે આધાર નંબર, એકાઉન્ટ નંબર અથવા ફોન નંબર એન્ટર કરો. હવે કેપ્ચા એન્ટર કરો. આ પ્રકારે કરવાથી તમને તમારા એકાઉન્ટની સંપૂર્ણ જાણકારી મળી રહેશે. તમારા ડોક્યુમેન્ટ અને જાણકારી ચેક કરી લો. જો કોઈ માહિતી ખોટી હોય તો તેને સુધારી લો. કોઈ ડોક્યુમેન્ટ જમા કરવાનું બાકી હોય અને તેના કારણે તમારો હપ્તો રોકાયો છે, તો તમે હજુ પણ તમારું ડોક્યુમેન્ટ ઓનલાઈન અપલોડ કરી શકો છો.
