પાટણઃ ડૉક્ટરે માનસિક ત્રાસ આપ્યાનો મહિલા લેબ ટેક્નિશિયનનો આક્ષેપ

પાટણની ધારપુર હોસ્પિટલ કોઈના કોઈ કારણોસર સતત વિવાદોમાં રહેતી હોય છે. આ વખતે હોસ્પિટલના સિનિયર ડોક્ટર વિપુલ ખખ્ખર સામે આરોપ લાગ્યા છે. ફરિયાદી મહિલા લેબ ટેક્નિશિયનનો આરોપ છે કે પોતે સાડા સાત માસનો ગર્ભ ધરવાતી હોવા છતા ડોક્ટર દ્વારા માનસિક ત્રાસ આપવામાં આવી રહ્યો છે. 

ડોક્ટર પીડિત મહિલા પાસે ફરજમાં ન આવતા કામો અને ઘરકામ કરાવે છે અને ઉપરથી પગાર કાપવાની ધમકી આપે છે. કરાર આધારીત સેવા બજાવતી મહિલા લેબ ટેક્નિશિયનને એ હદે ત્રાસ આપવામાં આવ્યો કે મહિલા નોકરીમાંથી રાજીનામું આપવા મજબુર બની. 

મહિલાનો આરોપ છે કે ડોક્ટર દ્વારા અન્ય મહિલાઓ સાથે પણ આવુ જ વર્તન કરવામાં આવે છે પરંતુ મહિલાઓ સામે આવતા ડરે છે. હાલ પીડિતાએ હોસ્પિટલના સત્તાધિશોથી લઈને મુખ્યમંત્રી સુધી પોતાની રજૂઆત કરી છે.