VIDEO / જોશમાં ને જોશમાં પાકિસ્તાની રેંજરે ગુમાવ્યો કાબુ ને પછી સોશિયલ મીડિયા પર થયા ટ્રોલ

આ વીડિયોમાં બીટિંગ ધ રિટ્રીટ સેરેમની દરમ્યાન એક પાકિસ્તાની રેંજરે પોતાના જ દેશની ફજેતી કરી નાખી. હકીકતમાં ટ્વિટર પર વાયરલ થઇ રહેલ આ વીડિયોમાં આપ જોઇ શકો છો કે બીટિંગ ધ રિટ્રીટ સેરેમની દરમ્યાન પાકિસ્તાની રેંજર પોતાનું સંતુલન ગુમાવી ચૂકે છે અને તે પડતા-પડતા તે માંડ માંડ બચે છે. અન્ય પાકિસ્તાની રેંજર તેને સહારો આપીને તેને પડતા બચાવે છે. આ દરમ્યાન રેંજરની પાઘડી પણ માથા પરથી નીચે પડી જાય છે.

पाकिस्तान का हाल देखो वाघा बॉर्डर पर। 😂😂🤣🤣🙈 pic.twitter.com/fjl5EZVdcQ

— Narendra Modi fan (@narendramodi177) August 17, 2019

આ વાયરલ વીડિયો અટારી-વાઘા બોર્ડરનો છે. જો કે, આ વીડિયો ક્યારે શૂટ કરવામાં આવ્યો છે તેના વિશે કંઇ જ માહિતી નથી. પરંતુ વીડિયો હાલમાં પૂરજોશમાં તેજીથી સોશિયલ મીડિયા પર વાયરલ થઇ રહ્યો છે. ટ્વિટર પર આ વીડિયો હજારો લોકોએ લાઇક પણ કર્યો છે અને શેર પણ કર્યો છે. ત્યારે સોશિયલ મીડિયા પર કેટલાંક યૂઝર્સે આને આડે હાથ લેતા ખૂબ ટ્રોલ પણ કરવામાં આવ્યો છે.

ઉલ્લેખનીય છે કે, અટારી-વાઘા બોર્ડર પર જ્યારે બિટિંગ ધ રિટ્રીટ કાર્યક્રમ યોજાય છે ત્યારે તેને નિહાળવા માટે બંને દેશના અનેક લોકો અહીં આવે છે. ત્યારે બંને દેશનાં લોકો પોતાપોતાના દેશના સમર્થનમાં દેશભક્તિનાં નારા લગાવતા હોય છે.