સરકારી નોકરી / ONGCમાં અનેક પદો પર બહાર પડી ભરતી, 1.80 લાખ સુધી મળશે પગાર, ફટાફટ કરી દો એપ્લાય

જે લોકો સરકારી નોકરીની તૈયારીઓ કરી રહ્યા છે તેમના માટે એક સારા સમાચાર છે. કેમ કે, ઓઇલ એન્ડ નેચરલ ગેસ કોર્પોરેશન લિમિટેડ એટલે કે ONGCએ AEE અને જીઓફિઝિસિસ્ટની 100થી વધુ જગ્યાઓ માટે ભરતી પાડી છે, જેના માટે અરજીઓ મંગાવવામાં આવી છે. લાયક અને રસ ધરાવતા ઉમેદવારો ONGCની સત્તાવાર વેબસાઇટ ongcindia.comની મુલાકાત કરીને અરજી કરી શકે છે. આ માટેની અરજી પ્રક્રિયા 10 જાન્યુઆરીથી શરૂ થઈ છે અને અરજી કરવાની છેલ્લી તારીખ 24 જાન્યુઆરી 2025 છે. જ્યારે પરીક્ષા 23 ફેબ્રુઆરી 2025ના રોજ લેવાશે. જેમાં કુલ 108 જગ્યાઓ ભરવામાં આવશે.

• ONGC ખાલી જગ્યાની વિગતો
  ભૂસ્તરશાસ્ત્રી –  5જગ્યાઓ
  ભૂ-ભૌતિકશાસ્ત્રી (ભૂતલ) – 3 જગ્યાઓ
  ભૂ-ભૌતિકશાસ્ત્રી (વેલ્સ) – 2 જગ્યાઓ
  AEE (ઉત્પાદન) મિકેનિકલ – 11 જગ્યાઓ
  AEE (ઉત્પાદન) પેટ્રોલિયમ – 19 જગ્યાઓ
  AEE (ઉત્પાદન) કેમિકલ – 23 જગ્યાઓ
  AEE (ડ્રિલિંગ) મિકેનિકલ – 23 જગ્યાઓ
  AEE (ડ્રિલિંગ) પેટ્રોલિયમ – 6 જગ્યાઓ
  AEE (મિકેનિકલ) – 6 જગ્યાઓ
  AEE (ઇલેક્ટ્રિકલ) – 10 જગ્યાઓ

• પાત્રતા માપદંડ શું?
  શૈક્ષણિક લાયકાત: ભૂસ્તરશાસ્ત્રીની પોસ્ટ માટે અરજી કરવા માટે ઉમેદવાર પાસે ઓછામાં ઓછા 60% ગુણ સાથે ભૂસ્તરશાસ્ત્રમાં અનુસ્નાતકની ડિગ્રી અથવા ઓછામાં ઓછા 60% ગુણ સાથે પેટ્રોલિયમ ભૂસ્તરશાસ્ત્રમાં એમએસસી અથવા એમટેકની ડિગ્રી હોવી જરૂરી છે. તો AEE પોસ્ટ્સ માટે ઉમેદવારો પાસે સંબંધિત વિષયમાં ઓછામાં ઓછા 60% ગુણ સાથે સ્નાતકની ડિગ્રી હોવી જરૂરી છે.

વય મર્યાદા કેટલી ?

અહીંયા અરજી કરવા માટે ઉમેદવારોની વય મર્યાદા 26 વર્ષથી 42 વર્ષની વચ્ચે હોવી જરૂરી છે. જેમાં નિયમો અનુસાર અનામત વર્ગ માટે વયમાં છૂટછાટનો સમાવેશ થાય છે.

અરજી ફી કેટલી?
જનરલ/EWS/OBC વર્ગના ઉમેદવારો માટે અરજી ફી રૂપિયા 1000 છે, જ્યારે SC/ST/PWBD શ્રેણીના ઉમેદવારોને અરજી ફી ભરવામાંથી મુક્તિ આપવામાં આવી છે. ફી ઓનલાઈનથી ચૂકવવી પડશે.

વધુ વાંચો : 10 પાસ હોય તો શું થયું! રેલવેની મોટી ભરતીમાં પરીક્ષા વગર લાગવાનો મોકો, આવી રીતે કરો અરજી

• પસંદગી પ્રક્રિયા શું?
  ONGCમાં આ જગ્યાઓ માટેની પસંદગી પ્રક્રિયામાં કમ્પ્યુટર આધારિત પરીક્ષાનો સમાવેશ થાય છે. જેમાં ચાર વિભાગો સામેલ છે, સામાન્ય જાગૃતિ, સંબંધિત વિષયો, અંગ્રેજી ભાષા અને કુલ 2 કલાકની એપ્ટિટ્યુડ ટેસ્ટ. મેનેજમેન્ટ દ્વારા નક્કી કરાયેલા માપદંડો મુજબ ઇન્ટરવ્યૂની પસંદગી પ્રક્રિયા માટે ઉમેદવારોને 1:5 ના અનુપાતમાં શોર્ટલિસ્ટ કરવા માટે ONGC દ્વારા CBT સ્કોર્સ પર વિચાર કરવામાં આવશે. સંબંધિત વર્ગના 1:5 ના અનુપાતમાં શોર્ટલિસ્ટ કરતી વખતે જો અનેક ઉમેદવારો મીનીમમ કટ-ઓફ માર્ક્સ મેળવે છે તો તે બધાને શોર્ટલિસ્ટ કરવામાં આવશે. ત્યારબાદ શોર્ટલિસ્ટ થયેલા ઉમેદવારોની પસંદગી ગૃપ ચર્ચા દ્વારા કરવામાં આવશે.
• પગાર કેટલો?
  ઓઇલ એન્ડ નેચરલ ગેસ કોર્પોરેશન લિમિટેડમાં જીઓફિઝિસિસ્ટ અને AEEની આ જગ્યાઓ માટે પસંદ કરાયેલા ઉમેદવારોને દર મહિને 60 હજાર રૂપિયાથી 1 લાખ 80 હજાર રૂપિયા સુધીનો પગાર અપાશે. આ સિવાય તેમને અન્ય ભથ્થાં પણ આપવામાં આવશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ