મહારાષ્ટ્રના મંત્રાલયમાં ચોંકાવનારી ઘટના સામે આવી છે, એક વ્યક્તિએ છઠ્ઠા માળથી આપઘાત માટે કૂદકો મારી દીધો હતો.
મહારાષ્ટ્રના મંત્રાલયમાં શખ્સે આપઘાતનો કર્યો પ્રયાસ
છઠ્ઠા માળથી મારી દીધી છલાંગ
જોકે સુરક્ષા માટે બનાવેલ જાળમાં ફસાઈ જતાં બચી ગયો જીવ
મહારાષ્ટ્રના મંત્રાલયમાં આપઘાતનો પ્રયાસ
નોંધનીય છે કે પોતાની ગર્લફ્રેન્ડને ન્યાય અપાવવા માટે આ વ્યક્તિએ કૂદકો માર્યો હોવાનું સામે આવી રહ્યું છે, તેણે કૂદકો ટો માર્યો પણ બિલ્ડિંગમાં બનાવવામાં આવેલ પ્લાયવૂડ જાળમાં ફસાઈ જવાના કારણે જીવ બચી ગયો હતો, બાદમાં તુરત જ પોલીસે તેની ધરપકડ કરી હતી.
Police detained a man from #Beed who jumped from 6th floor of #Mantralaya and made an attempt to commit suicide. He claimed there his girl friend was raped in the past but there is no progress against the culprit.#Maharashtra#Mumbaipic.twitter.com/bV0LU7n6cq
પ્રેમિકા સાથે રેપનું કરતો રહ્યો રટણ, કોઈએ ન સાંભળી
કારનામો કરનાર આ શખ્સ 43 વર્ષના છે અને બીડ જિલ્લાના જોગેશ્વરીમાં રહે છે, તેમનો દાવો છે કે તેમની પ્રેમિકા સાથે રેપ કરવામાં આવ્યો જે બાદ તેણે વર્ષ 2018માં આપઘાત કરી લીધો. જોકે તે કેસમાં પોલીસે કોઈ સરખી તપાસ ન કરી, તે આટલા વર્ષ બાદ પણ સતત પોલીસ સ્ટેશને જતો હતો.
મુખ્યમંત્રીને રજૂઆત કરવા મથામણ
જે બાદ કંટાળીને તે મુખ્યમંત્રીને રજૂઆત કરવા પહોંચ્યો પણ ત્યાં કેબિનેટ ચાલુ હોવાના કારણે તેને એન્ટ્રી ન મળી અને છઠ્ઠા માળથી કૂદકો જ મારી દીધો. જોકે વીડિયોમાં સ્પષ્ટ દેખાય છે કે બિલ્ડિંગમાં સુરક્ષા માટે બનાવવામાં આવેલ જાળ પર તે અટકી ગયો હતો.