ટેક / પ્રતિક્ષા પૂરી! હવે WhatsApp પર મેસેજ કરી શકશો શિડ્યુલ, મોડી રાત સુધી જાગવાની જરુર નહીં

WhatsApp પર લાંબા સમયથી એક ફીચરની રાહ જોવાતી હતી. જેનું નામ WhatsApp મેસેજ શેડ્યૂલ ફીચર છે. આ ફીચર સાથે માત્ર એક મેસેજ લખો અને સમય અને તારીખ સેટ કરો. તારીખ અને સમય આવતાની સાથે જ મેસેજ ઓટોમેટિક પહોંચાડવામાં આવશે. આ ફીચરનો ઉપયોગ જન્મદિવસ, વર્ષગાંઠ અને અન્ય અનેક બાબતો પર કોઈને શુભેચ્છા પાઠવવા માટે કરી શકાય છે.

આ અપકમિંગ WhatsApp ફીચરને ટ્રેક કરતી વેબસાઇટ Wabetainfo અહેવાલ આપે છે કે TestFlight બીટા પ્રોગ્રામ હેઠળ Scheduled Messages નામની એક નવી ફીચરનું પરીક્ષણ કરવામાં આવી રહ્યું છે.

• હાલમાં ડેવલોમેન્ટ હેઠળ શેડ્યૂલ્ડ મેસેજ ફીચર
  

Wabetainfo અનુસાર આ ફીચર હાલમાં ડેવલોમેન્ટ ફેઝમાં છે અને હજુ સુધી બીટા વર્ઝન માટે ઉપલબ્ધ કરાવવામાં આવી નથી. Wabetainfo એ આ આગામી ફીચરની એક ઇમેજ પણ શેર કરી છે, જે સ્પષ્ટપણે મેસેજ શેડ્યૂલ કરવાનો ઓપ્શન દર્શાવે છે.

આ અંગે Wabetainfo એ પોસ્ટ કર્યું છે કે,  WhatsApp એક એવા ફીચર પર કામ કરી રહ્યું છે જે ચેટ્સને શેડ્યૂલ કરવાની મંજૂરી આપશે. આ ફીચર ભવિષ્યના અપડેટમાં ઉપલબ્ધ થશે.

વધુ વાંચો : iPhone 18 Pro સિરીઝના લિક્સ આવ્યા સામે- કિંમત, લોન્ચ ડેટ અને ફીચર્સને લઇ ચર્ચા

• ગ્રુપ અને પર્સનલ ચેટ્સ પર કામ કરશે
  આ આવનારી સુવિધા પર્સનલ અને ગ્રુપ ચેટ્સ બંને પર કામ કરશે. જેમાં યુઝર્સે મેસેજ  માટે સમય અને તારીખ સેટ કરવાની રહેશે. જેમાં શેડ્યૂલ કરેલા મેસેજની સંખ્યા પણ દેખાશે જે મોકલવામાં આવ્યા નથી. WhatsApp નું અપકમિંગ મેસેજ  શેડ્યૂલિંગ ફીચર iOS બીટા વર્ઝન 26.7.10.72 માટે રિલીઝ કરવામાં આવી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ