- રવિવારે નાયબ સેક્શન અધિકારી અને નાયબ મામલતદાર પરીક્ષા
- અમદાવાદ CP દ્વારા જાહેરનામું
- આ 8 વસ્તુઓ પર લગાવ્યો પ્રતિબંધ
ગુજરાત જાહેર સેવા આયોગ દ્વારા નાયબ સેક્શન અધિકારી અને નાયબ મામલતદાર વર્ગ-3 ની પ્રિલીમીનરી પરીક્ષાનું આયોજન કરવામાં આવ્યું છે. આગામી તા. 15 ને રવિવારના રોજ પરીક્ષા યોજાવા જઇ રહી છે. ત્યારે અમદાવાદ સહિત રાજ્યના વિવિધ શહેરોબી શાળાઓમાં પરીક્ષા યોજાશે છે. ત્યારે તમામ કેન્દ્રો ખાતે પરીક્ષા શાંતિપૂર્ણ રીતે અને પારદર્શિતા સાથે સાથે યોજાઈ તથા કોઈ ગોબચારી સામે ન આવે તે માટે અમદાવાદ શહેર પોલીસ કમિશનર જી.એસ. મલિક દ્વારા જાહેરાનામું પ્રસિદ્ધ કરાયું છે.
ઉલ્લંઘન બદલ આકરી કાર્યવાહી
તા. 15 ઓક્ટોબર 2023 રવિવારના રોજ 11 થી 1 વાગ્યા દરમિયાન પરીક્ષા કેન્દ્રો અને આજુબાજુના વિસ્તારોમાં પ્રતિબંધાત્મક આદેશ દર્શાવતું જાહેરનામું ફરમાવ્યું છે. પરીક્ષા કેન્દ્રોની આસપાસના 100 મીટર ના વિસ્તારમાં ચાર કે તેથી વધુ વ્યક્તિઓએ ભેગા થવા પર તથા પરીક્ષા કેન્દ્રની આસપાસ ઝેરોક્ષ સેન્ટર ચાલુ રાખવા ઉપરાંત પરીક્ષા સ્થળની આજુબાજુ મોટા અવાજે લાઉડ સ્પીકર વગાડવા અને પરીક્ષા સ્થળ પર વિદ્યાર્થી શિક્ષકોએ મોબાઈલ કે ઇલેક્ટ્રોનિક વસ્તુ લઈ જવા ઉપરાંત પરીક્ષા સ્થળમાં ગેરકાયદે પ્રવેશ સહિત 8 વસ્તુઓ પર પ્રતિબંધિત હુકમો જાહેર કર્યા છે. જેના ઉલ્લંઘન બદલ આકરી કાર્યવાહી કરવામાં આવશે.
188 મુજબ કાર્યવાહી કરવામાં આવશે
નિયમના ઉલ્લંઘન બદલ ભારતીય ફોજદારી અધિનિયમ 1860 ના અધિનિયમની કલમ 188 મુજબ કાર્યવાહી કરવામાં આવશે. તારીખ 15 ના રોજ સવારે 9:00 વાગ્યાથી 1:00 વાગ્યા સુધી આ જાહેરનામું અમલમાં રહેશે જેમાં પોલીસ દળ તથા હોમગાર્ડના જવાનો અને પરીક્ષા અનુસંધાને ફરજમાં રહેલા અધિકારીએ કર્મચારીઓને આ નિયમ લાગુ પડતો નથી. તેમ જાહેરનામાના અંતમાં જણાવાયું છે.
